السلام عليكم ورحمه الله وبركاته
يابنات انا ساكنه مع حمولتي ومعانا اخوان زوجي اثنين متزوجين وعندهم عيال
مشكلتي ومعاناتي هي اني عندي بنتين وحده عمره سنتين ونص والثانيه عمره شهرين
بنتي الكبيره مانيب قادره اسيطر عليها واربيها تشوف بنات عمه وتقلدهم بكل شي وياليت بنات عمه متربيات كان هان الموضوع بالعكس قليلات ادب وشرسات وعدوانيات مرررررررررره ومن فتره بنتي صارت عدوانيه وبس تبكي طول اليوم تبي بنات عمه واذا راحت لهم طردوها وضربوها واذا اجتمعنا عند التلفزيون ما اتهنى اجلس افك بنتي من ايدهم وانغث شعر بنتي مابقى فيه شي من التمعيط وطول اليوم مشاكل في مشاكل اذا راحت عندهم جتني تبكي واذا هم جو عند بنتي تضاربو اذا طلعت العابها اخذوها منها واذا طلعت سيكلها تهاوشو عليه والله اني حالتي مايعلم فيها الا الله
ابي نصايحكم وتوجيهاتكم وياليت ماتقولون اطلعو ببيت مستقل لان هالشي مو بيدي
ابي بناتي يتربون صح ما ابيهم يتعلمون الالفاظ الوسخه و قله الادب واذا مالحقت عليهم الحين وربي بيضيعون
شاركي في النقاش
سجلي الدخول لإضافة تعليق.
التعليقات
26- يووووووووه عندي وعندك خير
قسم بالله هذا اللي عال قلبي
بناتي احب يكنون مرتبات ومؤدبات وبنات سلفتي معي بالبيت قلة ادب وشطانه ولسان وصخ
والله حتى اللعن يلعنون امهم
وربي تعبت وكل هذا قدام عيالي
ومانقدر نطلع من البيت ابد ابد - الله يكون بعونكم ...
طيب ازواجكم وش رايهم بالموضوع ...
يعني راضيــــــن ؟؟؟؟؟؟؟
الله ينولكم اللي ببالكم يارب - فعلا كل اللي ساكنات مع الحمايل نفس الشكاوي
الله يسنع لكم و تطلعون - بقولك على فكره غرفة بنتك صويها العاب لها وحطي لها تلفزيون و بلاستيشن
وحطي مطيطه صغيره فيها كور
وخليها تلعب فيها المشاركة المقتبسة غير متاحة.
الله يعينك صعبه الحياه كذا والله لو تربين مافيه فائده مدام الي عندك غير متربيات والله مايفيد لان البنت تقلد الي زيها ياليت الي عندها حل تفيدك
مواضيع مشابهة
تابعي تجارب أخرى من هذا القسم.