اختي جابت البنت الرابعه .....مصيبه

سلام عليكم
اختي من كم يوم جابت البنت الرابعه
واهل زوجها مسوين مناحه كان ميت لهم احد
زوجها حلف لو جابت البنت الرابعه انه يخطب وهي في المستشفى
وكلمتها امس صوتها رايح من كثر البكي ....بسبب اهل زوجها
وكل البلاوي من تحت راس امه تقول لازم ولد يشيل اسمك
طيب هو بيد اختي ...كله من عند الله
وهي في مدينه ثانيه مو عندنا
والناس مرابطه عشان الحج مانقدر نروح لها الان...لازم نصبر بعد الحج ونروح لها
من يوم ولدت واحنا في هم ..بسبب ردت فعل زوجها واهله
زوجها قال اذا بنت لاتقولون لي انصدم ...حسبي الله عليه الظالم
مايدري انه البلاء منه هو الحقير
ابوي جاب 8 بنات وما اعترض على حكمت الله ...وحطو البلا فينا انها وراثه من اهلها جيبت البنات

انا وخواتي مش معترضات على عطيت الله ............
المصيبه العقليه المتحجره اهل زوجها
كيف نسكر فميهم عنها ولك من جاها يدعي لها كانها عقيم وما جابت احد
الله ينتقم منهم الظلامه
وترى كل خلفت بناتهم بنات ...الحظ ما جاء غير على اختي يبغو ولد يشيل اسم ولدهم الله يشيلهم جميعاً
وانا قلت بكلم زوج اخي بمسح فيه الارض بس امي منعتني تقول متخلفين ما ينفع فيهم الحكي
مقهوره ياناااااااس مقهوره
يعني حركات التخلف هذي الى الان موجوده
ياقلبي عليكي يا اختي الله يكون في عونك

بنات اذا رحت ل اختي ايش اقوله عشان تطنش الناس المتخلفه هذي
اختي الكبيره زوجها عقيم ....وتقول يا رب ارزقني ذريه لو كلها بنات والله ما اعترض بس احس باحساس الامومه

كلامي ملخبط شوي بس والله من القهر لي في قلبي على اختي

147 تعليق 22,474 مشاهدة

شاركي في النقاش

سجلي الدخول لإضافة تعليق.

التعليقات

133
  1. @rhf_alogod

    تفكير متحرج والله حرام خلي اختك تطنش هالمهابيل وتهتم بنفسها وشفيهم يناس البنات كلهم ملح وقبلة:35:
  2. @lk_aayony_1

    لاحول ولاقوة الابالله
    الله يكون بعونها لاتخلونها لحالها بهالضرف
    واصلوها لو بالمكالمات دايم خليكم معها
    الله يكون بعونها
  3. @hmy_malh_hdod

    مالت علي وجهة المتخلف من المنظور العلمي بويضة الأم تحتوي عي كروموسوم (أكسX) أما الحيوانات المنوية بعض منها يحتوي علي الكروموسوم(أكسX) و بعض علي (وايY). يعني العلة فية مو من المراه وهو المسئول والرجل المتعلم هو للي يفهم هذا الشيء ونصيحة لاتكلمينة وشتبين فية اذا هذا تفكيرة ماراح يستوعب للي بتقولينة انتو هدوها وقولولها للي ربي كاتبة بيصير اذا ربي كاتب له بياخذ عليك بياخذ لو ايش ماسويتي و4 بنات موكثير غيرها جابو 8 ماشاء الله وفي الاخير رزقهم الله الولد اهم شيء انهم بصحة وعافية
  4. @adhk_odmaaty_baayny

    حسبي الله ونعم الوكيل فيهم
    يا قلبي لا تتركين اختك و فهميها انها تطنش كلام زوجها و اهله
    و ان كان يبغى يتزوج خليه يروح يتزوج
    اهم شيء اختك لا تضيق صدرها و تحرق دمها عشان ناس ما تستاهل
    الله يطرح البركه في بنات اختك و يوفقهم و يرزق اختك بالولد الصالح اللي يكون بار فيها
    و يكفي اختك و بناتها شر زوجها و اهله و يرد كيدهم لنحرهم

تابعي تجارب أخرى من هذا القسم.