أكبر تجمع لطرح قضايا واهتمامات صاحبات المشاغل (1)

الحفيده

مره يعطيك العافيه ماقصرتي

تصدقين من قريت كلامك وانا اقول صدقت طبعا انا مني صاحبه مشغل بس قريبتي لها مشغل ولاعرف بتفاصيل مره بس كنت اشوف حوسته والمرمطه الي كانو يمرمطونه شي مو معقول
بعدين احب اقول لكل وحده تفكر انها تفتح مشغل فكري ثم فكري الف مره قبل ماتفتحيه واستخيري الله لانه من اسمه مشغل يبيله شغل ومقابل ومافيه ثقه في العاملات ابدا وفيه اختلاط مباشر في الحريم الي يرفعون لك الظغط قريبتي تقولي كل يوم عن مواقفها مع الناس شي عجيب والله وصراحه هي اندمت كثر شعر راسه انها فتحت مشغل اقل مشغل تكلفته بالايجار والديكور 60000الف ريال ثم تقديم العاملات الي الوحده تكلف تقديمه 8000 او 7000 واقل شي تحتاجين ال خياطه وكوفرتين واداريه يعني مايقل عن رواتب 6000ريال شهريا وايجار محل مايقل عن 20000 الف ريال سنويا يعني الخساره تقريبا 90000 الى 120000 الف سنويا هل تتوقعين ان يكون مدخولك السنوي اكثر من 12000 سنويا لايمكن خاصه 3سنوات الاولى طيب هل عندك ماده كافيه لتغطيه الخسائر وقلب قوي يتحمل
لذلك الموضوع ليس سهل والربح بطي جدا


المشاغل في الرياض كثيره جدا فلكل صاار يرخص الاسعار وصار هالشي من صالح الزبون صارت الزبونه تفتح الجرايد علشان تشوف الدعايات والعروض ارخص مشغل تروح لها حتى وصل سعر الاستشوار 10 ريال اذا كانت الكوفير تقعد مايقارب نصف ساعه وهي تستشور خساره كهرب خط 220 والاستشوار له عمر يخرب مع كثر الاستخدام والفرشاه ب 20 و25 واكثر مع الاستعمال تخرب لو قلنا استشورنا في اليوم 5 زبائن ب 50 ريال وراتب الكوفير من 50 الى 65 ريال بالله وش الفايده الي جنينها حتى راتب الكوفير ماجبنه هذا غير الكهرب وقيمه الاستشوار والفرشاه

لازم نضع حد لنزول الاسعار انا اذكر من عشر سنوات او اكثر كان القص ب 50 ريال فتجي الزبونه وهي عارفه تدفع من غير اي جدال ثم زاد السعر الى 70 ريال لكن عمره مانقص لكن الان مع هالمنافسه وهالعروض العجيبه صارت الزبونه تبحث عن الرخص وتجادلك شي متعب للغايه
انا ان شاءالله بكتب نقط مهمه لصاحبات المشاغل بحيث تقدم للبلديه كشكوى من بعض الاسباب الي ادت لنزول الاسعار وخساره الكثير من المشاغل

بنات قريبتي تبغى تاجر 2كري كوفير في مشغلها الي تبي تستاجر تراسلني مشغلها في حي العقيق

ياام نواف من وين لقيتي حبشيات الله يعافيك والله مشغل قريبتي محتاج كوفير كوفيرته تبي تروح للحج واستقدمت من زمان على فلبينيه
وجت 3 اسابيع وهربت وحتى الحين ماتدري وينها وقريت هنا في التجمع ان الاندنوسيات حليمات ومايعصبو زي الفلبنيات فقلت لها استقدمي اندنوسيات ومسكينه استقدمت كوفير وخياطه من 3 شهور وماشفت شي وكل ماتتصل على المكتب يايوعده او يقول فيه مشاكل بين الاعمال واصاحب المكتب وجته سعوديه ولما اختبرته ماتعرف تمسك الاستشوار زين وقصه بدائي مو وحده متمكنه

ياليت الي يعرف لو بس اسبوع واحد من تاريخ 7-12 الى 14-12

:icon33::mad::44::time::icon28::7_5_122::7_2_103v: