في البدايه انا من يومين مجربه هذي الخلطه لكن مفعولها وايد عجيب والمهم انج تحسين بنظاره في وجهج ويكون شكله جميل :26:
المهم انا سمعت هذي الوصفه في التلفزيزن في القناه المصريه من اخصائيه تجميل وعلى طول جربيتها لكن يزاها الله كل خير على هذي الوصفه الممتازه.........:19:
والوصفه الله يسلمكم هي عباره عن:
1- حلبه مطحونه
2- خميره
3- عسل
تخلطين هذي الثلاث اشياء مع بعض بحيث ان يكون بنفس المقدار لكل واحد منهم
وبتلاحظين انه هو شوي ناشف انا عن نفسي خففته بشويت ماي وتحطينه على ويهج بتلاحظين انه هو مثل الصنفره او مقشر خليه فترة ربع ساعة(15 دقيقه) وبعدها سوي بخار للي على ويهج يعني تيبين ماي صاخن وتحطين فيه ماي ورد وتتغطين وتمين تحت هذا الماي الحار يعني البخار لين ما تحسين ان ويهج صار رطب واللي على ويهج صار طري بس ها حاسبي تحرقين ويهج تمي لمدة دقايق وبعدين اغسليه بالماي وحاولي انج تفركين شوي ويهج بس مب بشده بلطف بتلاحظين ان مثل الرمل وحاولي انج تمررين ايدج وهي مبلوله على ويهج وتحركين الخليط شوي يعني بتحسين انج تقشرين شي لين مايروح كله.
المهم ان هذي الخلطه مش دايما تحطينها يعني في البداية تكون في الشهر مره وبعدين في الشهر مرتين وبعدين في الاسبوعين مره ولين ما يصير في الاسبوع مره.
أتمنى اني ما اكون طولت عليكم وبعد اتمنى اني اكون فاديتكم في هذي الخلطه بس و الله عن مجرب وااااايد ممتازه هذي الخلطه.
ويزاكم الله خير واتمنى انكم تدعولي .:15:
الموضوع مغلق
