السلام عليكم ورحمة الله وبركاته
اخواتي الغاليات
عملت جولات على المطابخ في الرياض وكل ماندخل محل نسأل
ماهو الأفضل فورميكا أو ألمنيوم أوصاج ؟
كل محل يمدح شي ومو اي مدح فووووق في العلالي
صراحه احترنا مدري وش نجزم عليه
الفورميكا تختلف سماكتها فيه نوع يثنونه عندي ينثني بسهوله ونوع سماكته 6 مل سماكته ممتاز
لكن ادارج في السوق الأقل سماكه .6 مل مالقيته إلا عند محل واحد فقط
الصاج سمعنا ان الموجود بالسوق كله وطني وان اللي يقول إيطالي ماعنده سالفه هذا كلام احد المحلات
الألمنيوم ماعندي عنه اي معلومه لكن فيه كذا محل مدحوه ونصحونا فيه
الرخام ماسألت عنه ابد لكن من معلومات انه طبيعي وصناعي الطبيعي افضل من ناحية الجوده وتحمله للحراره والمنظفات والصناعي يميزه ان جميع الألوان متوفره
هذا من جانب اما الجانب الآخر فهو الأجهزه
محتاره هل آخذ سطح الفرن سيراميك او لا
وشفت قلايه تركب مع المطبخ شكلها رهيب و1300 ريال ومقاسها 30×50 ومصنوعه من الأستيل
مين جربتها واي ماركه احس تنظيفها اسهل من القلايه الكهربائيه العاديه
ادري هذرتي كثيره بس قلت اذا ماتكلمت مع اخواتي وسمعت منهم النصايح المفيده مين اتكلم معه
يالغاليات لاتبخلون علي بأي نصيحه وللمعلوميه عندي مطبخين واحد مفتوح على الصاله والثاني مطبخ الكرف هو اللي بيكون فيه القلايه ويعتبر مستودع وله باب على الحوش وراح ارفع فيه منطقة الأدراج والثلاجه
ونحن الآن في مرحلة العظم
أختكم المحبه ريم
الموضوع مغلق