نصيحتي لك تروحين للسوق الهرم او رامز وتخلين زوجك يشتريلهم لبس العيد واطلبيه يشتري كميه من الحليب والحفايظ تاخذين اللي يكفيك طول المده من الحين اطلبيه عشان ماتتراكم الطلبات ويطفش واول ماتوصلين هناك روحي لمحلات الجمله ه واشتري كرتون جبن ورز وطحين ودجاج وسكر وشاهي طبعا اكتبيها بورقه يعني اغراض الفطور والغداء والعشاء واشتري كميه كبيره خبز وحطوها بالفريزر ودجاج وخضار كميه كبيره خصوصا البطاطس لانه يستخدم كثير والطماطم والصابون اهم شئ وبعدين اذا رحتي لاهلك نومي عيالك بدري لايزعجون خلي نومتهم وحده مع بعض ويستحسن انك الصغار تعشينهم لحالهم عشان مايحوسون بالسفره والعشاء كله من البيت يعني بيتزااا(حشوة البيتزا سوي كميه وفرزنيها) بطاطس مقلي او جيبي فاصوليا بيضاء معلبه كوجبة عشاء مناسبه وفول حدائق كاليفورنيا بالخلطه السريه الفول والفاصوليا اشتري المعلبه كميه كبيره والله تنفع عشاء او بيض شكشوكه والعصر صلحي كيك مع شاهي لعيالك ولاتطلبون من المطعم لانه يكلف مررره اطبخي لهم وحاولي ماتطلعين للسوق اذا كنتي عندهم كثرة الطلعات هي اللي تجبر الواااحد عالصرف وانتي قبل ماتسافرين فهمي زوجك ان اهلي ماعندهم شئ يبغون يكملون بيتهم
واللي فهمته ان اخوك اللي بياخذك ومامعه شئ قولي لزوجك له عن وضع اخوك واعطي اخوك 200 مصروف الطريق من بنزين وغيره
واذا سافرتي بالطريق خوذي معك ترمس ماء وحافظه عصيرات وصلحي بيتزا وقهوه وشاهي وشابوره وتمر واكل من البيت لاتكلفين على اخوك بالطريق
واذا وقف عند محطه احلفي عليه مايجيب شئ وخوذي عيال زوجك معك وعامليهم زين والله انتي عندك باب خير احسني لهم وصديقيني ربي راح يفرجها عليك والله يجعل لك من كل هم فرجا ومن كل ضيق مخرجا والالفين بتكفي وان شاء الله ربي بيبارك بالفلوس