شاركي في النقاش

سجلي الدخول لإضافة تعليق.

التعليقات

42
  1. @dimples

    جمال الروح حبيبتي استعملي سيباميد وراح اتشوفين الفرق وبعدين اشلون تستعملين صانسيلك او هيد اندشولدر وانتي فروة راسج اطلع دم يعني حساسه مثل الاطفال لما ينولدون فستعمليي سيباميد وشوفي وتلقينه بالجمعيه
  2. @dimples

    هلا جمال الروح لا حبيبتي لا مااينشف بالعكس وايد زين حق الشعر انا استعمله حق ولدي اللي عمره 5 اشهر وراح اعطيج خلطه عطتني ايها الدكتوره اللي كنت بعالج عندها القشره وهي نفس الدكتوره اللي عطتني سيباميد وهي: من كل شي 2 ملعقه زيت اللوز-زيت الجرجير-زيت الخروع-زيت السمسم-زيت الصبار-سدر بودر-عسل طبيعي-وعصري عليه ليمونه وشوفي العجب بشعرج
  3. @bdyaah

    لا تزعلي من عدم الرد عادي شي طبيعي
    اقولك عن الشامبو بس من زمان وماني متأكدة من اسمه (((((((((((سلسن بلو)))))))))
    هو طبي لجميع امراض الشعر حكة قشرة تساقط
    بس غريب علبته زرقا لونة الشامبوا نفسه تركواز رغوة خفيفة بس الحين مع كونديشن مو زي أول -- تلاقيه بالصيدليات بالسوبرماركت
    والثاني ((((((((((سيباميد )))))))رائع وهو طبي
    تحياتي
  4. @thalia_empire

    صاحبة الموضوع
    THALIA_EMPIRE
    السلام عليكم قطر الندى2005 هلا والله حبيبتي قطر يزاج الله خير على كتابة الإسبيلنج اللهم آمين إن شاء الله يسمع منج .. الحين بسوي بحث عن المنتج عشان أسأل الصيدلاني والله تعبت والله يوفقج ياربي ويسعدج .. ويرزقج بالزوج الصالح بإذن الله :27:
    السلام عليكم
    مرحبا
    مساء الخير ياحلوات

    *غنــوجــه*
    هلا والله إختي
    مشكوره على المرور أولا
    ويزاج الله ألف خير
    بس أنا جربته بحذافيره وماجاب معي نتيجه
    يالله هب مشكله الله كريم ..
    :27:


    Dimples
    هلا والله إختي
    مشكورة على المرور
    ويزاج الله ألف خير .. بس أنا جربت سيباميد وبعد ماجاب معي أي نتيجه تذكر .. ماأدري شو نوع الفروة الغريبه اللي عندي
    الحين فكرت إني أشتري ديكراي .. لأنه وحده من الخوات كثير تمدح به
    وإن شاء الله خير
    وألف شكر لج
    :27:


    جمال الروح
    هلا والله إختي
    والله مشكلتج شرات مشكلتي وإن شاء الله نلقى حل للحكه والحبوب الصغيره والقشره
    إن شاء الله اليوم راح أشتري الشامبوا وأرد عليكم خبر بعد تجربتي للشامبو .. أهم شي إني ألقاه لأنه مخلص
    :27:

    بديعه
    مشكوره على مرورج حبيبتي
    تصدقين عاد هذا الشامبوا من صج أكرهه ريحته لوعة جبد كان أول شامبو إستخدمته للقشره وع وع ريحته ماأدري كيف .. وفوق هذا نتيجته للأسف وايد وايد دااااااااون.. وجذا لازم أجوفلي حل .. وحتى سيباميد ذكرته في الردود نفس الشي ماجاب معي أي نتيجه
    .. بتوكل على الله وبستخدم شامبو ديكراي وراح أرد عليكم خبر
    :27:

    يزاكم الله ألف خير ياخواتي .. والله يبعد عنكم جميع المشكلات .. ويرزقكم بالأزواج الصالحين ..ويوفقكم في حياتكم العلمية والعملية بإذن الله
    :27:

تابعي تجارب أخرى من هذا القسم.