توني مخلصه صبغ غرفتي مش بيت زي الاغلبيه المهم الصبغ كلفني 2500 واللي سوا الشغل فلبيني والاصباغ من جونتن والفضي الي من الجزيره بس على الجبس ووووو الشي الكريهه فيه انه قال بالاول انه راح ياخذ شغل الغرفه 7 ايام وبالاخير ماخلص الا بعد 3 اسابيع تقريبااا لوع كبدي الله يلوع كبده يوم يجي ويوم لا وكم يوم ما يجي الا نص اليوم وايام ما يجي فيهم الا بس ساعتين ولا ثلاث ساعات
المبات اختها من مدري وش اسمه بس هو منص صفت المحلات اللي ورا الاماراه عند العوضي للاكترونيات نفس الشارع وانتي طالعه على الشارع الاول
والسراميك من مخطط 8 ب 2500 نفس سعر الصبيغ اخذت سيراميك اسباني مثل الباركيه واللي حطه لي واحد سوري وشغله حلووو وسريع ماشاء الله واخذ شغل اليد 850 ريال
لي رجعه ان شاء الله بعد ماتصبغ اختي غرفتهااااا لقينا صباغ يقولون زين وانه بيصبغ الغرفه ب100 ريال والمواد عليناااا يعني بس شغل يده ونشوف كانهم صادقين بنجربه ونشوف
اللي تبي ارقام صابغين عندي صباغين بالهبل بس ماعرف كيف شغلهم غير هل الفلبيني اللي صبغ غرفتي
اغلب الصباغين طلبو من 2000 الين 3000 بس علشان يصبغون غرفتي اللي هي 4 متر ب6 متر وفيه غرفه 2 ب2 غرفة ملابس
بعض الصباغين زايدين المبلغ لانه اعتقد والله اعلم انه نازله موضه انه اللي ساكن بالحي الفلاني نزيد عليه وهذا اللي صار معاي
وحده عطتني رقم صباغ صابغ غرفتها نفس مقاس غرفتي ب300 ريال بس يوم جاء لغرفتي صار بيصبغها ب2500
لذالك هونت منه ومن كل صباغ زاد علي المبلغ بسبة الحي وصرت ادور صباغ ما يقول لي العذر ذا ورسينا على الفلبيني لانه مجربينا بالمجالس عندنا << هذي قصة حياتي الثلاث الاسابيع اللي فاتت
الحين ابي تسريحه بيضا ولا حديد مشغول فضي ولا ابيض ولا خشب ابيض وعلى قولت خالتي شوفونيره << اللي هي دولاب بدروج للتخزين يعني زي التسريحه من غير مرايه بس وين احصل اللي يدخل مزاجي ابي شي نعوم ومافيه حوسه زي وحده عاجبتني بايكيا اللي عندها الكتالوج اكيد بتعرفهااا هي بيضا وفيها اعتقد 4 الى 5 دروج ومرايا بيضاويه بس سعرها ما يناسبني حاليا ابي ارخص من ال1100 وين احصلهااااااا ...؟؟؟؟؟؟؟؟؟
بنات الدمام والخبر وكل المنطقه الشرقيه تعالوا نجتمع
متابعة النقاش، صفحة 16
