محتاجة تصميم لصندوق اكسسوارات بس كبير !!

أخواتي الحبيبات :
أحتاج مساعدتكم في تصميم شكل صندوق خشبي كبير يكون ارتفاعه متر تقريبا لتعليق الاكسسوارات فيه .. يعني من جوى فيه تعليقات زي تعليقات المطابخ الي نعلق عليها الفوط ( يارب تفهمون قصدي )
لكن أحسن شكل يعني أبغى أحط تعليقات معدنية طويلة أخرها حبة كرستال مثلا واتوقع ألقاها عند ( والله ما أدري وين بس بدور عليها ان شاء الله مو مشكلة )!!

هذا من جوى على كل الجهات إلا الأبواب طبعا .. ومن تحت تصميم لحفظ الأساور والخواتم والساعات بشكل مرتب ويكون ملبس بالمخمل الفاخر ..

من تساعدني بالتصميم للشكل الخارجي والداخلي لأني سامعة عن هالفكرة من صديقتي لكن ما عندي نموذج أوريه النجار ينفذه لي ,, فأبي منكم أفكار حلوة لشكل فخم يستاهل التعب والفلوس ويجمع شتات هالاكسسوارات الي اندمرت من تعقدها وعناقها مع بعض على طول في علبة صغيرة !!!!!!!!!!!!

تكفون لا تفشلوني احتاج صورة أقدر أصمم عليها لو تقريبية ..

11 تعليق 1,674 مشاهدة

شاركي في النقاش

سجلي الدخول لإضافة تعليق.

التعليقات

11
  1. صاحبة الموضوع
    وش دعوى عاد ؟؟؟؟؟

    أول مرة أدخل هالقسم وتفشلوني كذا؟؟؟؟؟

    ولا رد عاد؟؟؟

    ولا جبر خاطر؟؟؟

    ما هقيتها منكم والله..
  2. @am_aazyzan

    توني انتبه لموضوعك عزيزتي

    ممكن تحطين هذا الموضوع في قسم الديكور

    هناك تخصصه اكثر لانه يناسب الاثاث

    وان شاء الله راح ابحث وان لقيت ماراح اقصر

    ويا هلا فيك

    :26:
  3. صاحبة الموضوع
    شكرا أم عزيزان ...

    لكن لسه عشمانة فيكم تساعدوني ولو بشكل تقريبي من الخارج حتى أصمم على شكله..
  4. @alhnon_7

    هلا حبيبتي انا اقول احسن تروحي عند النجار وتشرحي له الفكر وهو ينفذها لك بشكل افضل
    والفكره مره روعه إذا طلعت إنشالله حلوه قلي لنا عشان نسوي احنى كمان
    وشكرا

تابعي تجارب أخرى من هذا القسم.