السلام عليكم
اختي بقولك انا من الناس اللي تعبت ادور لبنتي مدرسة وبعد التحري والبحث المضني
لقيت مدرسة فعلاً اعجبتني وانا زرتها مع بنتي واعجبتني وتعلقت فيها بنتي وما شافتها الا مرة وحده بس ....... اجل اذا درست معاهم وش بتسوي ..وهي ( دار العلوم ) ولعلمك مبناها ( التمهيدي والحضانة فقط )خلف مدارس البنين الابتدائي والمبنى مستقل لحاله ولا فيه اختلاط مع الفصول العليا ولاشي والمديرة مرررررة اعجبتني واسلوبها مرة حلو مع الاطفال
اما اسعارهم بالنسبة للتمهيدي2000 رسوم تسجيل و8000 السنة والنقل ما سألت عنه لان بنتي بيوديها ابوها و180 مريول و500 بدل وجبة وانا شفت ان المدرسات اكثرهم سعوديات وتقول المديرة انهم يتغيرون كل سنة ( المدرسات )لاني سألت عن احسن وحده فيهم وقالت اذا بدت السنة اقول لك لانهم احتمال يتغيرون ...
والله يوفقك انتي وبنتك .... ولعلمك رحلاتهم تقريباً في كل مرة مابين 30 الى 50 ريال بالرحلة الوحدة ويطلعون كل نهاية وحدة او نهاية اسبوع ... على حسب ما يفرض عليهم ..والفصول اطفالها كثير الفصل الواحد فيه تقريباً معدل 24 طفل
والسلام
مع التحية
ضي الشموع
رياض نجد والا دار العلوم
متابعة النقاش، صفحة 6