كيف افطم طفلي من الرضاعة الطبيعية؟

نفس عمر ولدي تقريبا سنه وشهرين وصعبه افطمه لانه مايحب الرضاعه ولا الحليب الصناعي بجرب ان شاء الله بعد الحج في الكاسه وبشتري حليب بديا شور لانه بنكهه الفالنيا وعسى طعمه يحبه واللي مريحني انه من عمر سنه لعشر سنوات يعني لو ما احبه بحوله على اخته وماراح ينرمي زي اللي قبله

اول شئ ابتدي معه بالتدريج
الصناعي غصب عنه إذا حس بالجوع بيرضعه
إذا نام وهو جوعان حاولي فيه يشرب الرضعة حتى لو كان نايم وبالتدريج بيرضعها
وحطي على صدرك اي شئ مر وريحته كريهة مثل مركزة مرة بيقرف من طعمها إذا رضع وحطي كحلة أو شي لونه غامق بيقرف من الطعم والشكل
وإدعي الله يسهل عليك وعليه الفطام أتمنى اكون أفدتكم وأي شئ تبينه راسليني على الخاص

ياااااااااااااااااااااااكرهي للرضاعه استغفر الله بس الله يكتب لنا الأجر

حطي صبره مررررررره وسوي بالكحل دوده

الله يعينك فترة وتعدي

انا ودي افطم بعد


انا ابي اسال وش اللي ينشف الصدر....؟؟

انا اشوف انه افضل طريقة انك تفطمين طفلك تكون بالتدريج
يعني اول يومين لاتعطينه صدرك وهو صاحي ابدا
كثري له الالعاب البسكويتات والبالونات والاشياء اللي يحبها
ولاتطلعينها الا اذا بكى .. طلعي حاجة او حاجتين بس عشان مايمل
اشغليه بالالعاب و حطي له اكل بصحن وخليه يحوس فيه
وحاولي ماتلبسين لبس يكون صدره فاتح لدرجة انه حتى لو حاول يدخل يده تكون الفتحة ضيقة
وخليه يلعب كثير وسوي له بطاطس مهروسه او رز مصري ولا شوية شابورة .. الخ
عشان ينام نومة متواصلة
وحاولي انه ينام مع غيرك يعني احد موجود عندك جدته مثلا أو أبوه أو خالته اول يومين راح يتعبك تحمليه
واعطيه رضعة حليب صناعي وهو نايم( بعد ساعتين) مثلا راح يتقبلها لو اخذ شوية بس كافية
عشان يتعود على الرضاعة منها بالليل
واذا تعبك بالليل اعطيه شوي من صدرك طبعا بالليل بس عشان مايشوفك
وشوي شوي راح ينام وهو ما سال عنك
هذي الطرق انا مجربتها
لدرجة ان وحدة من بناتي كانت تتعب من كثر ماتصيح وهي فيها نوم
قلت لاخوي يمشي فيها بالسيارة حوالين البيت
بمجرد ماحطها بالسيارة وحست انها بتروح مشوار نامت
ثاني يوم ما سألت عني