زوجي وأمه حسبي الله ونعم الوكيل

خواتي الحبيبات مساءكم فل انقطعت عنكم لي كم يوم بس والله نفسيتي زفت قامت هوشه بيني وبين بو العيال وقال ماعاد فيه منتديات هي اللي خربت راسك بس والله مو هي سبب زعلنا رحنا انا وامه نزور واحده طبعا وأحنا راجعين طاقها سوالف معها وانا جالسه ورا والله ما عبرني بكلمه دايما قدام امه احس انه يحب يتجاهلني ورجعت البيت وجلست ابكي ولا همه ولا سأل وش فيه بس بعدين طلعت اللي في خاطري وزاد هو عصب وقال اي شي فيه طاري امي تكرهيه بنات بقولكم حاجه واسألكم بالله بال تجريح انا انسانه اخاف الله واراعيه في كل تصرفاتي بس قسم بالله مو بيدي السنوات الاخيره هذي صار الجماع بيننا قليل جدا وله اسبابه اللي وضحها لي المهم صرت احس انه مايفرق بيني وبين امه في التعامل وطريقة الكلام واستخفاف الدم نفسي يكون فيه شي يميزني عنها مو اقصد يحبني وهي لا أقصد ما دام مافيه بيننا جماع وش الفرق بيني وبينه عنده قسم بالله اني لحسيت جسمي يرجف من الضيق ماصدقت على الله ارجع البيت وابتعدعنها وبعدين لاحظت اني ما ارد على اتصالاتها وسألتني وش فيه هل لي علاق وقلت لا وانا صادقه وش اقول اغار منك اذا زوجي كلمك زعلي كله من زوجي ليش يهمشني قدامها والمصيبه اتناقش معه ولا اخذ لا حق ولا باطل بس صياح ورفعة صوت وغلطت قدامه وقلت اصلا العيال يقولوا ان وجودك في حياتهم مثل عدمه ابغى ينجن ابغيت اكحلها فاعميتها والحين رجعت امورنا شويه زينه بس والله احس انه شايل عليه باين في تصرفاته وطريقة كلامه لاني قمت اجرح فيه مره بالله دلوني ابغى حل للوضع ااه تصدقوا اول امسك لساني بس ذلحين ابدا ابغى اي كلمه تجرحه قلتها واحس فيه جفاء بيننا من ذاك اليوم لا حضن ولا شي مقهوره وأعذروني طولت بس ابغى ردود تبرد القلب تكفون

114 تعليق 9,703 مشاهدة

شاركي في النقاش

سجلي الدخول لإضافة تعليق.

التعليقات

107
  1. @mtabaatkm

    وش فيها اليا جلس يسولف مع امه وتاركك
    مافيها شي وهذا مو تهميش لك با العكس
    يمكن الموضوع اللي فاتحه فاهم عليه هو ويا امه
  2. @hlmy_rda_rby

    مدري والله ... انا يوم اجلس انا وزوجي امه عادي يسولف معاااااها وهي تسولف وانا ساكته .. ما احس انه تهميش لي
  3. @raaay_shas

    والله ياختي الغلط راكبك من راسك لساسـك

    اتقووووا الله ياحريم وش اللي تغارين وتغار هذي امممممممممممممممه

    المفروض تعينينه على حب واحترام امه اتقوا ربكم
  4. @dmoaay_dlaa

    صراحه الرجال ما غلط انتي اللي دورين الزعل دواره
    ولا وش فيها لاقعد يسولف مع امه..كل الرجال اللي بهم
    خير يسون كذا
    وبعدين وشلون تبي تصرين مميزه ...انتي زوجته وهي امه
    فرررررررررق.....
    خليه يسولف معها ..منتي بزر ..لارحتوا لبيتكم ...سولفي معه
    لحد ما تشبعين
    ولا يوم يسولف مع امه ....تحلى سواليفه لك...
    اقول لا يلعب عليك الشيطان يخرب بيتك ...تراه خراب البيوت العمرانه
    ولا تزعلين .....من كلامي ...ترى زوجي يسوي مثل زوجك
    بس بالعكس اخليه يستانس معها لين يمل
    تراها حلوه اللبن...واميمته ...
    مدامه ماهانني عندها ولا جرحن ...مالي كلام عليه...
    شيلي المقارنه من راسك بينك وبين امه.....وترتاحين
    والشيطان يبعد عن بيتك....طعيني مابتندمين
    الله يوفقك ويسخرلك...
  5. @shoarfskyh_1

    انتي غيوررر بزياده يعني هالكم ساعه خليه لامه يختي يسولف معها يشبعون من بعض لازم يعني تدخلين بالسالفه
    تصدقين اذا ودينا خالتي لمكان اجلس ورا اقعد اهوجس افكر بشي وهم يسولفون اذا لي دخل بالسالفه ناقشت معهم بس
    وسالفة الجماع وشدخلها بامه تقولين صرنا زي بعض انتي اساسا لاتقارنين نفسك بامه
    الزوجه لها مشاعر والام لها مشاعر
    اذا زوجك عنده مشكله من ربي مو معناته الحب يقل هذا موب كل شي وانتي لازم تحتوينه موب تعادين امه وتغارين منها !!

تابعي تجارب أخرى من هذا القسم.