تجمع المعلقات//يمنع فتح تجمع بدون اذن المشرفات +قديم

الله يفرج عنكم ويعوضكم الي اخير منهم بالف مره قولو امين..

الله يفرج همكم يارب وينصركم

اااه بس الله يكون بالعون انا معلقة لي 10 شهور بس اخر شي رحت للمحكمة قبل 3اسابيع ولسى يقول الشيخ فية جلسة صلح وانا مابي لانة مايبي يصلح حياتة معي همة ارجع وبس ولسى الله يعين بس

الله يسهل أمرك طيب ليش مارفعتي قضيه أطلبي شروط لرجعتك ولك حق أنه يدفع كل مصاريفك لشهور اللي كنتي فيهم عند أهلك حتى لوماعندك أطفال...وبعدين أذا هوبيرجعك غصب عنه بينفذ الشروط ومن ضمنها الله لايهينه يأثث لك بيت كامل لوحدك وأذا مابغى ساعتها الشيخ بيطلقك منه بدون ماتدفعين
يعني لاتطلبين الطلاق مباشرة لأنك بكذا تعتبرين مطالبه بالخلع وعندها تكونين مجبرة بدفع المهر
لكن أنتي قولي أبي أرجع له ولكن أبغى حقوقي كذا وكذا حتى لوكانت من ضمنها أنه يتعهد مايتلفظ عليك بكلام سئ أو يضربك أو..أو.. وترى يحق لك بعد تطلبين مصروف شهري يحول لحسابك البنكي شهريا" طول ماأنتي عنده وصدقيني هذي تعتبر حقوووووق موشروووط وأي شيخ بيحكمها لك وهومغمض وصدقيني (أنتي تقولين أنه تزوج) فماأتوقع أنه بيوافق أنه يفتح بيت ثاني ويأثث يعني تغدي فيه قبل يتعشا فيك وساعتها بيطلقك وهومايشوف الدرب ...وبدال ماأنتي جالسه معلقه شهور ويمكن سنين روحي للمحكمه كلها كم شهر أو سنه وأنتي مفتكه منه ويمكن تتحسن أموركم وترجعين بشروووطك أقصد بحقووووقك كامله
مشكلتنا مانعرف حقوقنا أبد أبد

كلام نوارة سليم قولي ابي ارجع وبس حطي شروط وخلك واثقة من كلامك وبهدوء ولاتجيبين طاري الطلاق وبيعطيك القاضي صك صلح وفيه كل الشروط وتطالبينه بها لو ماصار ونفذها يطلقك منه القاضي وهو مايشوف الحقي عمرك ،،، الا اذا كنتي تبين ترجعين لعل الله يصلح من حاله وهذا نصيحتي لك