اللي عملت تنظيف للوجه تدخل تفيديني

@alasyr_4

سلام يأحلى قمرررات

اليوم وحدة من صيقاتي راحت عملت تنظيف بشرة في الصالون طبعاً للوجهة فقط
وطبعاً باين عينا موفاهمين شي في التنظيف والفلبينية اللي في المشغل ما فيها حيييل تتحرك من مكانها

قامت أخذت كريم وحطتة على وجه صديقتي <<<<<<<<<<أجل مين
خلتة خمس دقائق وبعدين عملتلها بخاروبعد البخار كريم وغسلت وجهها وبعدين كريم لمدة خمس دقائق ويعدين كريم وقالتلها خلاص ميتين ريال بعد الخصم

طبعاً أتفاجئت صيقتي وقالتلها هذا كل الشغل قالت إيه شوفي وجهك صار نظيييف حلو أعطينها الفلوس ورحنا على البيت والبنت ندمانة أشد الندم حاسة أنها ضحكت عليها وبصراحة وجهها ماتغير فيه شي يعني حتى تقشيرما عملتها


بعد هذا الكلام كلة أنا ودييي أعرف كيف طريقة تنظيف البشرة في الصوالين ولا يختلف من صالون لأخر وكم سعرة حتى لاأكون في موقف زي كذا مرة ثانية أرجوكم يابنات لاتطنشوني عشان أكون فاهة وأسييييب الدلاخة

6 تعليق 4,979 مشاهدة

0 0

شاركي في النقاش

سجلي الدخول لإضافة تعليق.

التعليقات

6

  1. @nod_3

    أرجوكم يابنات لاتطنشوني عشان أكون فاهة وأسييييب الدلاخة

    لوووووووول الدلاخه فيني وواصله الحين للنخاع ههههههههه
    ياقلبي اول شي تسو مساج وبعدها تسوي سنفره وبعدها بخار وبعد البخار باله خاصه تزيل الرؤؤس السوداء وبعدها تسوي تنضيف بفرش خاصه مثل فرشه الاسنان بثلاث رؤؤس وبعدها تسوي لها ماسك وبعد الماسك تغسله وتحط قناع مرطب وتغسل القناع واخرررر شي ترش الوجه بماء الورد هذا الي اعرفه يمكن واقول يمكن ان الي سوت لي بعد ماتعرف بس وجهي قبل التنضيف تقولين خريطه الكنز ملون وفيه زيوان وبعد التنضيف ماشاءالله وردي ويلمع وفيه نضااااااااااااااااااااااااااااااااااااااااااااااره

    ملاحظه اذااشافت انك محتاجه شمع منطقه الشوارب تسوي لك

    وبسسسسسسسسس

    مع تحياتي بوجه نضيف خالي من الدلاخه ههههههههههههههه

  2. السلام عليكم ورحمه الله

    حبيبتي تنظيف البشره يختلف من مكان لي مكان

    ومن منتج لأخر ومن بشره لاخرى

    لكن انا عن نفسي ما احط بشرتي إلا تحت يد احد انا واثقه منه

    مثلا عندنا بالكويت وايد اماكن نظيفه ومضمونه

    وانا اغلب الاحيان اروح فندق كونتاننتل

    المنتجات اللي يستخدمونها هي منتجات نيوديرما طبعا الماركه هذي مشهوره بانها طبيعيه

    تنظيف البشره مثل ما قلت لك يختلف من وضع لاخر

    لكن انا عن نفسي اغلب الاوقات لما تسويلي تنظيف

    اول شي تغسل ويهي بعدين تسوي لي مساج بعدها سنفره

    بعدين تحط لي منتج تخليه ربع ساعه وتشيله بعدين تحطه عليه بخار

    وبعدين تستخدم آله مثل ما قالت اختي نوض تشيل فيها الرؤوس السوداء والدهن بعدين تستخدم لي منتج معقم

    بعدين تحط لي منتج ثاني لمده ربع ساعه .. في هذه الاحيان تسويلي مساج استرخاء

    بعدين تغسله وتحط مرطب وخلاص

    على فكره

    ترى مو شرط ان تنظيف البشره تلاحظينه بالمنظره بعد ما تخلصين

    يمكن بعد كم يوم تلاحظين هالشي او يمكن ما تلاحظينه لكن تحسينه

    تحسين لما تطلعين ان البشره قاعده تتنفس ويدخل هوى في مسامات الوجهه

    اهم شي بعد التنظيف الاهتمام بالبشره

    انا انصحك بمنتجات نيوديرما اهي غاليه شوي بس صراحه سعرها فيها

    تحياتي

    اختك / اصيله

  3. @i_luv_sweets

    اممم تنظيف البشرة ماتظهر نتايجة من أول مرة , مع الاستمرار بتلاحظين أن الحبوب تخف قليلا وان الرؤوس السودا اللي على الأنف تختفي تدريجيا وان البشرة تكون فيها حيوية ونضرة .. عموما لا تتوقعين ان تنظيف البشرة يغير الشكل 180 درجة
    هو مجرد تنظيف وتنشيط لبشرة الوجه .. والخوات ماقصروا في ذكر طرق التنظيف
    وفعلا صالون عن صالون يختلف , دايما اختاري مكان معروف واللي يشتغلون فيه يعرفون شغلهم عدل وخبيرات والأفضل مكان مجرب من صديقاتج أو وحده تقرب لج والأهم ( يمدحونه ) لأن شغله نظيف .. سلام

  5. @ohyd_alamarat

    السلام عليكم... آآآآخ من تنظيف البشرة.. بصراحة أكبر مقلب سوته اختكم وحيدة... يقولكم انا استخدم البيبي فيس و مرتاحة منه و ويهي وايد خفت منه الحبوب الصغيرة اللي مثل الحرارة و كان فيه شويه بقع من المراكض في الشموس... انزين عاد هذاك اليوم رحت مع ربيعتي الصالون جان تقولي الصالونجية انه ويهي فيه بثور و لازم يبالي تنظيف.. قلت يالله تنظيف تنظيف خليني انظف الويه الأغبر... المهم سوت لي مثل ما قالوا الأخوات مساج و بخار و تدليك و ماسك و دنيا يمكن اكثر من ساعتين حتى اني آخر ماسك قلتلها مابغيه قالت لأ لازم.. و عطتني اياه اسويه في البيت.. المهم الويه ماشاءالله تبارك الرحمن كان كأنه رخام من نعومته (مادري يمكن انا حسدت عمري) بسسسسسسسسسسسسسسسسسسسسسسسسسسسسسسسسس
    ثاني يوم شب علي حبوب و آثار الله لا يروايكم.. انا قلت يمكن عشاني استخدم البيبي فيس و لأنه مقشر و بشرتي كانت حساسة ما استحملت العفسة اللي صارت... المهم اني ندمت عليه و قلت ما اكررها أبد... و الحينه بعدني استخدم البيبي فيس لأنه يفيد في البقع و عشان يشيل آثار التنظيف... بس الصالونجية خذت مني 100 درهم بس .. رغم أنه وايد حريم يسوون تنظيف عندهم و انا مجربة عندهم حلاوة و حمام زيت.. بس الحمدلله على كل حال.. كنت بجحلها عميتها... و سلامتكم

تابعي تجارب أخرى من هذا القسم.