السلام عليكم ... كيقكم بنات ..
اتمنى من الكل يعطيني رايه في مشكلتي وبالله عليكم لاتنسوني من الدعااااااء ..
انا متزوجه من ست سنين تقريبا عندي ولدين .. اول ماتزوجت كنت في شقه خاصه فيني بس حاليا بحكم ظروف زوجي ونقله ساكنه في غرفه عند اهل زوجي :06: .. بصراحه حياتي انقلبت فوق تحت .. ما اقولكم ان عمي وعمتي سيئين .. لا لا لا اعوذ بالله بالعكس طيبين لابعد الحدود بس انا يابنات حاسه ان مافي لي خصوصياتي مع زوجي حتى ولدي الكبير ماعاد ينام ولا يروح ولا ياكل الا مع جدته وصار يناديها امي ... ولدي عمره اربع سنين وشوي متعلق في جدته بشكل عجيب .. المهم يابنات كلمت زوجي كثير انا نخرج في بيت خاص فينا بس رفض الفكرة بحجه ان اهله قاعدين يبنون بيت وكل ولد معطينه دور لحاله وحنا يالله عمر وعافيه الدور الثالث .. :32: .. بصراحه الوضع ماعاد ينطااااااق حمواني اثنين في البيت وغرفهم قدام غرفتي والحمام الله يكرمكم مشترك بيننا وعلى الدخله والخرجه لازم نشوف طريق وعلى هذا الحال .. نسيت اقلكم مرة لمحت لعمتي انوا لازم نخرج عشان حمواني يخذون راحتهم في البيت وانا كمان اخذ راحتي ووضعنا صعب نبقى اكثر من كذا .. زعلت وتضايقت وصارت تقول ليش تقولي كذا المفروض تنبسطي واذا خلص بيتكم انتقلي فيه ... والله يابنات زوجي ماعاد صرت اجلس معاه الاكل الرجال لحالهم واحنا لحالنا والقهوة والشاي كذلك ما اشوفه الا وقت النوم يجي هلكان وعلى طول ينام ... ساعدوني بالحل الصائب او على الاقل اللي تشوف موضوعي تدعيلي وجزاكم الله خير ...
شاركي في النقاش
سجلي الدخول لإضافة تعليق.
التعليقات
40- الله يكون بعوووووووووووونك والله شي صعب :(
مابغيت اطلع بدون ما ادعي لك - غاليتي انصحك بالانتظار حتى الانتهاء من المنزل والله اعرف وحده انهدم بيته لانه اصرت على الخروج قبل اكتمال بيته وسكنت البيت وحده ثانيه بعد ما تطلقت خسرت كل شي الله يصبررررررررررررررررررك
- الله يعينكـــ يارب ويسعدكـ ***** الله تخرجي و تبشرينا بنقلكــ الشهر الجااي
- عادي ياقلبي
طولي بالك على زوجك
هو ما ترك الشقه الا لامر كبير اكيد
يمكن كان ضاغط على نفسه عشانكم بس ما قدر
نصيحه مني تحملي
ترى اللي ما تتحمل ظروف زوجها والله يرخص فيها
عاد حطي عقلك براسك وخلي عنك المقارنات
خصوصا مع غيرك من المتزوجات كلن وظروفه
وترى اي وحده تقول لك حالك وما حالك
لو صار لا سمح الله شيء بينك وبين زوجك ما بتعبرك ابد
انا نصحت والله يوفقك
ادري حالك صعب بس تحملي .. والله انصحك كأخت .. - يابنت الحلال هذا وضع موقت يعني ماراح تجلسين عندهم علي طول فية بيت ينبني لك ولعيالك قولي الحمد الله غيرك ازواجهم مو قادرين يبنون لهم بيوت مالك الاالصبر اصبري لين الله يفرجها بعدين اسمحيلي اختي في نقطة ذكرتيها ان عيالك متعلقين في جدتهم وشفيها اذا ولدك نادا جدتة امي ام ابوه يعني امة وماتعلق فيها الامن محبتها له والطفل مايحب الا للي يحبة واعتقد ماراح تزعلين لو تعلقو عيالك في امك
مواضيع مشابهة
تابعي تجارب أخرى من هذا القسم.