الكلام الذرب هو الكلام الحلو
مثال اذا جاك احد
تقولين ياهلا ورحبا والله عاش من شافكم
وبين كل سالفه وسالفه تقولين يا الله انت تحييهم تكررينها بس مو كثير
وحتى اذا رحتي للمطبخ تجيبين الضيافه
وتدخلين عليهم تقولين كم كلمه حلوه
يا الله حيهم تو مانور البيت
الساعه المباركه اللي شفناكم فيها
واليا بغو يطلعون تدعين لهم
ربي يحفظكم توصلون با السلامه
واذا كانو مسافرين تحلفينهم انهم يطمنونك عليهم اليا وصلو
الحريم الكبار لهن كلمات خاصه
عساك الجنه يا الله حيها
البنات ربي يسعدك ربي يوفقك من ها الدعاوي الحلوه
الصغار ياحلاتهم وان كانو اشقيا يازينهم ربي يصلحهم ويهديهم
اممم وش بعد والله انا قمة الذرابه على قولتهم
بس ما اجامل الاشخلص اللي ما احبهم سبحان الله غصب عني مقدر اقولهم كلام حلو
بس اهلي فيهم
مثال لو احد قالك وحشتيني قولي لهم عسى مايوحشك غالي
وان احد قالك عاش من شافك قولي عاش غاليك ومغليك او تقولين عاشت ايامك
ان احد قالك اشتقنالك قولي لهم تشتاق لكم العافيه او تشتاق لك الجنه
وخلي دوووم ذكر الله بلسانك ترا حتى الناس يوم يشوفونك كذا
يرتاحون لك ومابينسون الزياره وبيقولون لسانها حلووو
واهم شي صفاااااااااااااء النيه
الذرابه في الحكي و اسلوب الكلام/ قديم
متابعة النقاش، صفحة 12