ساعدوني بغرفتي وصالتي ضروري

السلام عليكم ورحمة الله

اخباركم يا حلوات

بنات حبيت اتساعدوني في غرفة نومي وصالتي
بصراحه غرفتي كبيره وانا ابي اصبغها بنفسجب غامج وفاتح بس محتاره بالفرش ما ادري اي لون اسويه واي لون الاكسسوارات لا تقولون سوي الفرش ابيض لانه بسرعة يتوسخ
عطوني رايكم باللون واذا تحسونه هب حلو خبروني اي لون اسوي ولو تحطون صوره للالوان تسوون خير

و بعد ابي اخذ رايكم بصالتي
صالتي صغيره و هي مستطيله وعندي اثاث برتقالي وبيج
شو رايكم بالصبغ ابيه اكثر عن لون

وربي يعطيكم العافيه
وياريت اللي تعرف لهالاشياء تساعدني لانه زوجي قال لي احس انه الغرفه ما بتكون حلوه
وانا قلت لازم اسويها حلوه ولا شو رايكم

6 تعليق 993 مشاهدة

شاركي في النقاش

سجلي الدخول لإضافة تعليق.

التعليقات

6
  1. @byony

    البنفسجي حلو مره بس لاتصبغين كل الجدران يعني بس الجدار اللي فوق السرير واذا تبين واحد من الجدران مقلم بعد بيكون احلى اما عن الالوان اذا غرفتك لونها اسود بيطلع جنان وبالنسبه للاكسسوارات عندك ثلاث الوان مع بعض حلوه الموف والاسود والفضي اتمنى اكون افدتك
  2. @maalm_2000

    غرفة النوم إذا بتفرشينها موكيت خلي لونه رمادى فاتح أو اخضر والاكسسوارات موف غامق يعني الي جاي على ليلكي
  3. @um_shady

    أختي
    السلام عليكم
    أنا عملت نفس الألوان في غرفة النوم والدولاب والسرير لونهم بني غامق والتسريحة طبعا وممكن تستخدمي في الفرش درجات البني والرمادي الفاتح حتبقي جميلة أن شاء الله
  4. @maalm_2000

    نسيت الصالة اصبغيها بيج فاتح وجدار خليه ورق جدران مشجر موف وبرتقالي واخضر او بوية مقلم بيج وموف وبرتقالي فاتح والتقليم ماهو متساوي يعني شئ عريض وشئ نحيف وسلامتك

تابعي تجارب أخرى من هذا القسم.