صباح الخير يالغالية
والله وأنا أقرأ موضوعك كأنه أنا اللي كتبته
جلست أضحك ( سامحيني ) رغم إنه سالفة ما تضحك
لكن رحمتك ورحمت نفسي في نفس الوقت << حلوه منك
لكن ما أخفيك ياغالية ترى أنا وأنتي غلطانين << مبسوطه مره بلا هباله تكلمي زين
المهم .....
تراني أعطي البنات دفاتري وكتبي كمان وصار لي كم موقف منهم اني اعطيت بنت دفتري
وهي قالت لي بأرجعه بعد بكره في أول محاظرة قلت لا تنسين لان فيه اشياء مهمه
لازم اسلمها للمعلمه في اول محاظرة قالت ابشري ..
والمشكلة اني اعرفها من ايام الثانوي يعني ما اتوقع انها بتوهقني << مصدقه مرره
والله ياغاليتي انها وهقتني توهيقه بغيت اصيح قسم بالله بديت اطلع اعذار لها لكن احس مانفع
لها ولا عذر ويوم جت المحاظرة اللي بعدها بغيت احطها بين ضروسي وسلمت لي الدفتر وهي تقول
بكل برود مشكورة حبيبتي أنا ومن دون مجامله بالقوة خرجت عفوا :confused-
لا وبعد كذا البنات صاروا يعرفون اسمي بالكامل علشان ينادوني وياخذون مني الدفتر والكتاب المخطط
لكن المفروض أجلس أتحجج بأي شئ وأقول ;)شوفي غيري حبيبتي ..
عادي أسوي مثلهم فيها شئ لا والله مافيها وبعدين سالفة اني اعطي وحده ما اعرفها توبه توبه والله توبه
لو أنها بتموت مرررررررره رحت انا وهي لمركز التصوير وصورنا الي تبغاه لا وخليتها هي اللي تدفع بعد << ما تلعب ...
ناس ما ينفع معهم الا كذا ياحياتي ولا ترى الطيبة اللي فيني وفيك ما تنفعنا ابد الا تنفعم ...
تذكرت سويت موقف مره كنت طالعة وسمعت وحده تقول لبنت قابلتها ( لو سمحتي انتي تدرسين محاسبة ) قالت
البنت ايوه ردت عليها طيب ممكن تعطيني كتابك <<< سلمااااااات تقابل وحده في بهو الجامعه وتطلب كتابها لا
مصدقة مررره ..
عاد انا تمنيت اني اشوف هي بتعطيها ولا لا ..
عاد انا جلست اضحك وجت جنبي البنت اللي اخذت مني الفتر وما اعطتني اياه الا في المحاظرة الثانية
وسلمت قالت لي ليش تضحكين قلت لا صار موقف استحي اقوله << كذابه
قالت وشو الموقف عادي قولي ..قلت سبحان الله البنات عجايب والله عجايب .. شفت وحده تقول لبنت قابلتها ( لو سمحتي انتي تدرسين محاسبة ) قالت البنت ايوه ردت عليها طيب ممكن تعطيني الكتاب وهي ما تعرفها بعد ياسبحان الله
ردت زميلتي قالت ايه ياحليلها .. قلت انا ( لو اني مكانها مو بس ما اعطيعا الا اصكها بكف ينزل ضروسها .. اجل انا اعطي وحده معي في الكلاس ويالله يالله ترجعه .. اروح اعطي وحده في بهو الجامعه و اول مره اشوف شكلها أفا )
عاد البنت ابتسمت لكن اهم شئ انها حست اني مو سامجه ..وتراني زعلت ..
وبس يا غالية وترى اغلب الناس من الطيبه يسوون سواتنا << مره طيبة بعد اللي سوته
لكن والله الجامعة تعلم لان مو كل اللي بتسلمينهم ممتلكاتك بيرجعونا لا يا قلبي لا يروح فكرك بعيد
ترا حتى الشنطه ما اضمن اخليها عند زميله لانهم ياخذون الدفاتر من الشنطه .. وترى صارت كثير
لانهم ما عندهم ضمير ويقولون في انقسهم فلانه دفترها يهبل وتكتب مع الدكتورة اجل استغفلها
واخذ دفترها .. اجل اسوي لي دفتر ثاني من جديد ليش ... هذا اللي يفكرون فيه
لان زميلتي انصرق دفترها مسكينه ..ودورت عليه مالقته << مصدقه بتلاقيه .. لكن والله لو انه فاضي انها تلاقيه
مثل وحده من البنات ضيعت كتابها وفاضي مو مخطط لقته بعد اسبوع في نفس القاعة ..
علشان كذا عديمين الاحساس موجودين ..
وقوي قلبك مررره لان الجامعة تقوي القلب مرررره << صار قلبها قوي حتى مع خواتها خ خ خ خ متأثرة
طبعاً لا أخفيك سرا المواقف الكثيرة اللي تصير في الجامعة مو علشان الدفاتر لا اشياء كثيرة اللي في الكفتريا
اللي في مركز التصوير اللي في البهو ...................... إلخ
علشان كذا ما عليك من الناس ولا تقولين هذي بتحقد علي اذا ما عطيتها وهذا بتكرهني اذا ما سمعت كلامها
لا والف لا مارح ينفعونك وبعدين يا غالية بالعكس بيقولون ماشاء الله لها شخصية مو كلمة توديني وكلمه تجيبني ..
قولي معليش زميلتي في الشعبه الثانية طلبتني ولا معليش احتاجه ولا معليش كان بودي لكني ودي اقسم وقتي من
الحين وابدأ اذاكر اي شي عادي .. وهي تتحمل اللي بتقولينه ولا ليش صار فيه استأذان لان الاستأذان يتحمل الرفض
ويتحمل الموافقه اذا هم يتحملون اللي يجيهم ..
انتهى اللي عندي وآسفه على الإطاله <<<< إطالة بس الا شكلهم بيقفلون الموضوع من ردك :icon29:
لكن تمنيت اني ابادلك نفس مواقفي ...
والله يوفق ويسدد خطاك ..
وإلى الأمام ..
في أمان الله ..
:)
ما ادري الخطا مني والا من الناس ؟؟افزع وتجي على راسي
متابعة النقاش، صفحة 2