اتكيت الشغاااله بالعيد

زي ما قالوا الاخوات اشتري لها لبس بلوزه وتنوره وايشارب (انتبهي تفك شعرها نصيحه ) ويامكثر الايشارب الحلوه وسلسله هديه وساعه وهديه بسيطه تفرح كثير

المشكلة بعض الشغالات الله يصلحهن مايبين بعينها .. ترحمينها وتبينها تفرح وبعدين تنقلب لكن موب الكل طبعا
عن تجربتي خليتها توسع صدرها بزواجنا ولبستها تنورة واله يكرمكم جزمة وبلوزة وساعة هدية حلوة وتفك شعرها وفي العيد لبس حلو لكن المشكلة الحرمة مسكت خط صارت كل شي مطلعة يدينها للكوع تقول يحرق يدي كم عشان شغل كويس لازم ارفع شوي وشعرها كل يوم والخصل من الامام والجوانب طالعة واحيانا تطفش تفك الايسارب بالمطبخ وغرفتها والباب مفتوح دايم واذا شافتني غطت شعرها
مشكلة البعض اذا اعطيتيها وجه ندمت ..

العيد اللي بعده جبت جلابيتين حلوين مطرزينوروب حلو وهالعيد أبجيب نفس الشي جلابيات مطرزة حلوة وجزمة وشنطة وعباية واي شي تبيه اهم شي ساتر والشعر مايطلع

تو اسولف مع اختي اققل لها حنا شعب طيب نعاملهم زين وهم لا
شوفي البنات منزلين موضوع عن اتيكيت الخدم و وش نلبسهم بالعيد والبنات يفرحون الشغالات وشاركوا لكن ياخوفي يندمون مثلي وببعد العيد تنزل المواضيع بالاسرية عن مشاكل الخدم (عاد قمت امزح اقول أبسوي بحث عن مشاركات العضوات اشوق وش صار عليهم مع شغالاتهن هههههه بسم الله عليكم امزح لاتزعلون الله يسخر لكم شغالاتكم وسواويقكم وقبله ازواجكم وعيالكم الله آمين) بس تعقدت من طيبتي معهم والله .. منب قايلتكم وش صار مع سواقي عقب ماكنت ازين له الشاي بالترمس والاكل املاله المطبقية وبالاخير راح وشال نص راتب ماحلله ولا رجع نصه والسبب مشوار مادل طريقه وقال انت تعب مشوار لازم أسأل نفر وين هازا سليمانية ههههههههه غربل الله بليسك يبو قصيصة مخشبة << استغفر الله تحش بالايام الفضيلة ..

اسفة لو غلطت على احد وننتظر بقية الاراء

خليهـــــا تلبــــس يونيفـروم مرتــــب وجديـــــد
وعطيهـا عيديــــــه عشـان تستانـــس

تنوره وسيعه وبلوزه بعد طويله ووسيعه
او جلابيه ناعمه مع الايشارب
لاتفك شعرها احسن لك
وساعه مع جزمه جديده
واذا تبين لها هديه خوذي الي تقدرين عليه ساعه اواي شي