السلام عليكم
انا من اقل من اسبوعين تقريبا روحت عملت نتواياج فى مركز تجميل بس اسفة مش هقدر اقول اسمة المهم انا اعرف من قبل ما اروح ان المفروض اخصائية التجميل بتشيل فى جلسة النتواياج الحبوب و الرؤؤس السوداء
بس بصراحة حسيت بوجع جامد لدرجة عنية دمعت و هى بتشيل الحبوب ( على فكرة انا بشرتى مختلطة يعنى دهنية فى منقطة الجبهة و الانف و الذقن و عادية فى منطقة الخدود ) و انا عموما بهتم بنفسى اوى فا مكنش عندة بالظبط غير 2 حبوب فى الجبهة و على فكرة انا روحت عملت نتواياج فى اخر يوم فى الدورة الشهرية فكان عندى ال 2 حبوب بس المهم بعد ما خلصت خالص
و انا بلبس الايشارب لاقيت وجهى بجد بشع اكنى كنت بخربش فى الحبوب و سايبة علامات و احمرار مكانها حتى لما رجعت البيت كان كل اخواتى خايفين يعملوا نتواياج و حاسيين ان الست دى بوظتلى وجهى المهم الخبيرة دى قالتلى ان بس بعد ساعتين كل الاثار الى وجهى هتروح و الحقيقة الى حصلت معايا انة بعد اسبوع راحت كل الاثار
نصائح ليكم بقى لما تعملوا نتواياج
1- لازم لازم يكون وجهك اصلا كويس يعنى لو قررتى هتعملى نتواياج اياك تروح و وجهك معظمة حبوب لان تخيلى مكان كل حبة هيكون اثر و احمرار و انفاخ شوية فالازم تعملى ماسكات لنفسك فى البيت و تقشير و بخار المهم وجهك لما تروحى يكون الى حد كبير كويس
2- لو عندك مناسبة فرحك او خطوبة او رايحة اى مناسبة لازم تعملى نتواياج اقل حاجة قبل المناسبة ب اسبوعين تفاديا انك تروحى هناك ووجهك مليان اثار و احمرار ولو تقدر 3 اسابيع يبقى احسن كتير
3- مهم جدا جدا انك قبل ما تحجزى تسالى عن مين هى الخبيرة الى هتعملك و تشوفى او تسالى عن مؤهلاتها متدفعيش اى فلوس قبل ما تسالى عنها لازم تكون واخدة شهادات فى مجالاها لان الموضوع مش ممارسة بس
بس خلاص دى نصائح ليكم نقلتهلكم بصدق لافدكم
و عايزة اشوف ردودكم الجميلة
شاركي في النقاش
سجلي الدخول لإضافة تعليق.
التعليقات
3- هلا اختي
ممكن اعرف النتواياج اساسا ايش؟؟ - اهلا حبيبتى النتواياج هو تنظيف عميق للبشرة بيتعمل كل شهر او شهرين خصوصا لو بشرتك دهنية عند خبيرة تجميل فى مركز تجميل
فى خطوات النتواياج
1- بخار
2- ازالة الحبوب و الرؤؤس السوداء
3- عمل تقشير عميق و وضع مواد قابضة عشان الدهون
4- عمل ماسك
5- قفل مسام البشرة
كل هذة العمليات تتم بواسطة جهاز معين و كل الاجهزة الى خبيرة التجميل هتستخدمها فى العمليات دى متوصلة بجهاز الكهرباء دى
اتمنى تكونى فهمتى قصدى
و تقولى رائيك فى الموضوع
و خبرتك اذا مرتى بالتجربة دى - هذي اللي تطلع الحبوب و الاحمرار هي اللي شالتهم يعني لا تخافي لانها طلعت الحبوب والدهون كلها مع الحبوب و بعدهها بفترة الوجه يصير صافي اختي جرت le netoiyage
مواضيع مشابهة
تابعي تجارب أخرى من هذا القسم.
-
اليوم راح اشاركم تجربتي الخاصة كيف تخلصت من حب الشباب و اثاره
1 تعليق -
تجربتي لماسك و غسول قلام قلو للبشرة الدهنية
9 تعليق -
خلطه لتبيض الوجه و تفتيح البشره من تجربتي شخصيه
5 تعليق -
خلطة قديمة ونتيجتها فظيعه لتبييض الرقبه والجسم عموما (تجربتي انا و خواتي حبيباتي)
33 تعليق -
تجربتي مع ازالة ندبات حب الشباب و ارجو للكل ان يستفيد
5 تعليق