بنات انا في كأبه بسبب عدم زواجي ساعدوني وعطوني حل

يالغاليــة ياليـت هالبكاء والصياح وهالهم اللي شايلته على ظهرك
يكون بخصوص الديـن وخوف من ربي وخشيته سبحانه وتعالى
فعلا أن الدنيـا فتنه وشغلتنا عن طاعة ربي
أنتبهـي على نفسك وحسنـي علاقتك بربي مو عشان الزواج لأ حسنيها لأننه قدامنا حسـاب ماودي أضيق عليك
صدقيني حاسة بشعورك بس أنقهرت على وقت اللي يضيع وأنتي تبكين
أشغلي نفسك صدقيني أنك أذا أنشغلتي بيروح شعور أنتظار الزواج وبتحسين أنه شي عادي أدخلي الصورة اللي بتوقيعي وحملي برنامج صدقيني بتستفديــن كثيــر وبتنسيــن أمر الزواج
أن شاء الله يــارب مايعدي هلأسبوع إلا وأنتي منخطبة من واحد صالح ويسعدك ويهنيك ومايجي العيد الأضحى إلا وأنتي مملكة يــآآآآآرب

حبيبتي ادعي ربك واستغفري ليه البكي
كل وحده نصيبها مكتوب بالدنيا انتي اللي وصلتي نفسك بالحاله دوري شي يشغلك

انا كذا قبل لا اتزوج كنت احس بالقهر والحسره لما اسمع فلانه تزوجت وفلانه نخطبت وانا احس مو ناقصني شي يعني انا حاسه بشعورك ونظرات الناس ماترحم حسبي الله عليهم

لكن بعدين عرفت ليه ماحد يفكر يجني اكتشفت ان الناس تسولف انه ولد خالي يبني عشين كذا ماحد فكر يجي ولما دريت قلبت الدنيا قلت ليه الناس تكذب انا مافكرت فيه ولا هو اصلا يفكر والحمد الله بعد كم شهر انخطبت هذا بس احدى الاسباب في عدم قدوم خطابه الله يسامح اللي كان السبب ولما انخطبت ناس كثير حاولوا يخربون لكن ربك كريم وتتم زواجي على خيرررررررر
والله تخيلي لما تزوجت حتى زوجي سالني يقول سمعت انك تبين ولد خالك وهو يبيك واقسمت له انه في ناس تسولف بها الشي من راسها حقد حسبي الله ونعم الوكيل

انتي حاولي تسئلين يمكن يكون ناس مطلعه سوالف او شي حسبي الله الله يوفقك ولما يحبه ويرضاه ويرزقك بالزوج الصالح

الله يرزقك بالزوجوتبشرينا بمولودك السنه الجايه يااارب

الله يرزقك يارب هو الرزاق الكريم كثرى من الاستغفار والدعاء والصقدقه وصلاة الليل

أنا أعرف وحدة مايمر اسبوع تقريبا الا وحاضرة زواج وهي بنت عيلة كبيرة--حريصة على علاقتها مع ربها الى حد ما-حريصة جدا على سمعتها- اجتماعية-جميلة-مثقفة-موظفة -لبقة ومحبوبة وواثقة من نفسها وأنيقة سبحان الله شوي واقولك كاملة والكامل وجهه لكن دخلت 29 ماتزوجت! مثل هذا النموذج لو تدورين حوالينك تشوفين كثير !


واعرف ثانية لاراعية مناسبات ولاشي عادية حتى بالعبادات اقل من الاولى سبحان الله لكن تزوجت بكل سهولة ! وبرضو مثل هالنموذج رح تلااقين كثير


الي ابي اوصله لك ان مهما سويتي ومهما كشختي وحتى العبادات ترى الله وحده سبحانه وتعالى هو الي يسرها لك! مين عطاك فلوس عشان تتصدقين؟؟ مين الي الهمك الاستغفار! وغيره وغيره! الله سبحانه وتعالى!


لازم تثقين ان الله سبحانه وتعالى فقط هو مسبب الأسباب ..سوي الي تقدرين عليه قومي بكل الواجبات الدينية...ادعي كثير.. لاتضغطين على نفسك تحضرين مناسبات الا ااذا كنتي فعلا راح تنبسطين فيها مو عشان تنخطبين!

لو والله كاتب لك شي بتاخذينه غصب حتى لو اجتمع الأنس والجن انهم يمنعون هالرزق عنك ماراح يقدرون!


الخطابة-الجمال-الاناقه-حضور المناسبات كل هذا الاشياء مجرد أسباب


على فكرة كثير بنات يمرون باللي انتي مريتي فيه لكن انتي يمكن عندك جرأة اكبر انك تصرحين بمشاعرك هنا وانا أبدا لاألومك بالعكس.. انتي تفضفضين! واحنا كلنا خواتك.. الله يرزقنا وإياكي ازواج صالحين يعينوننا على امور ديننا ودنيانا :)


أقرأي موضوع الاستغفار في ملاذ الروح لاختنا ريمي ... ويارب نسمع اخبار حلوه:26:


http://forum.hawaaworld.com/showthread.php?t=708736