
::
{بسم الله الرحمن الرحيم}...
اللهم صلي وسلم وبارك على حبيبنا محمد صلى الله عليه وسلم وعلى اله وصحبه الكرام..
مساكم ورد وفل ولافندر وياسمين....وكل عام وانتم بالف خير وصحه وجمال..وطاعه وقرب من رب العالمين..
عندي لكم اسهل خطوتين لوجه نضر وحلو ومشدود ..وانفاس زكيه ونقيه!!
#الخطوة الأولى ...
المضمضة يوميا في الصباح وقبل النوم بمحلول مكون من ..
مويه حاره تذوبي فيها ..ملح خشن..

+ لبان الذكر او الكندر(( اكيد تعرفونه ))

الفوائد...
تعقيم الفم من البكتيريا والجراثيم ...يشيل الرائحه الكريهة ويزيلها ..والشي الغير متوقع ..!! شد الوجه!!
معروف عن لبان الذكر انو فيه مادة قابضة وشادة ومع حركة الفم والحنك أثناء المضمضة تنشد عضلات الوجه من الداخل كأنو تمرين وانتي راح تلاحظي بعد كم يوم من استعمال المضمضة كيف بدأ الحنك يتحدد عندك وتحسي ذقنك صار احلى كأنو وجهك انشد...
# الخطوة الثانية....
اسهل قناع للوجه وللجسم وخاصة الصدر والنحر يحليهم بشكل مو طبيعي ..هو عسل مخفف بمويه ورد او حتي موية عادية تخليه يصير سايل خفيف زي السيروم ...وزعيه على وجهك ورقبتك وحتى حوالين عيونك واي مكان تبغي تعالجيه وتجمليه بجسمك...خليه نص ساعه ساعه براحتك..وغسليه وشوفي كيف النضارة والاشراق والنضارة وزي ماشفتوا ولا اسهل من كدا مجرد عسل وخففيه بشوية مويه وبس!!

العسل عجيب عجيب سبحان الله!! مطهر ومعالج ومضاد للالتهابات والقروح...أنا شفت بعيني كيف خلى جرح الوالدة برجلها من مرض السكر الله يشفيها ويحفظها يلتئم بفضل الله بعد ماكان يخوف واحتمال تخسر رجلها الحمدلله الحمدلله اللي لطف فيها وفينا ..يعني عجيب ورائع للجلد أحسن من الف كريم والله...كفاية انو ذكر في القرآن الكريم ..قال تعالى : { فيه شفاء للناس }..
أتمنى اكون افدتكم حتى لو شويه واكون خفيفه على قلوبكم...
ولا تنسوني من دعواتكم الحلوة زيكم في هدي الايام المباركة ...والله يررزق كل من دخلت وردت او قرات واستفادت كل ماتتمنى سواء زوج>>>زيي:p
او الذريه الطيبة او السعادة او الرزق الحلال الطيب او الشفاء ...اللهم ارزقهم جميعا سؤالهم واقضي حاجتهم يارب وفرج هم كل مهموم واشفي كل مريض وارزق كل محروم ...آآآآآآآميــــــــــــــتن يارب العالمين
اختكم المحبه ...رانيـــــــــــــــــــا :26: