شاركي في النقاش

سجلي الدخول لإضافة تعليق.

التعليقات

49

  1. @amoon_12

    سمعت ان تاخذين البن (القهوة المطحونة) و تضيفين عليها شوية ماي دافي يعني تصير زي العجينة و تدلكين بها سيقانك..
    لمدة نص ساعه .. لمدة أسبوع ..

    و بعد ما تغسلي البن راح تلاقي دهن و هذا الدهن يطلع من الساقين..
    يقال ان هالطريقة يستخدمونها عارضات الأزياء.. على ذمة الراوي...

    و عندك بعد رياضة المشي ، الجري ، ركوب و نزول الدرج ، تمشين على أطراف الأصابع
    كلها مفيدهـ ...

    و اذا على البياض و النعومة لا تشيلينها الا بـحلاوهـ و سوي لها سكراب دايم و دهني فيها..

    والله كريـــــم...

  3. @znob_almzyon

    انا غير كل الناس
    الله يوفق كل من ردت علي ياحبي لكم :33: والله تحبون الخير للناس الله يوفقكم واختي مشكورة على الرد لكن انا ماستخدم الا الحلوة الحمد لله لكن الله يوفقك ممكن تكتبين طريقة الحمام الايراني والتركي واكون شاكرة لك وتسلمين على تجاوبك الله لا يحرمك…





    قلبي تسلمين على الدعوة الحلوة مثلج

    بالنسبة لطريقة الحمام التركي او الايراني او المغربي فكلهم نفس العملية

    بس في اختلاف بالمواد المستخدمه لكن متشابهة بالاستخدام

    الامواد المستخدمة :
    ليفة تركية او ليفة ايرانية او مغربية ,صابون ايراني بالاعشاب (لكن صعب تلاقيه) صابون غار تركي او سوري اذا ما لقيتي ممكن تستخدمين صابون مغربي, حجر سفيد اب ايراني (تقدرين تستغنين عنه ), حنا بودرة وسدر وليمون وماء ورد ماء حار وبخاره وماء بارد

    الطريقة :
    اغسلي شعرج بالشامبو بماء فاتر واشفطيه بماء بارد وارفعيه لفوق لانج بتستخدمين ماء ساخن وبيضر شعرج ..

    شغلي الماء الحار والبارد واذا عندج بانيو امليئه بماء ساخن جدا وبعدها ادخلي بالبانيو او خلج تحت الدش ماء ساخن جدا واستحملي شوي ... ادخلي تحت الماء شوي واغسلي جسمج بيدج بس بعدها اطلعي شوي ودخلي و سويها كم مرة عشان مسام الجلد تفتح

    بعدها اطلعي من تحت الماء واخذي الصابون و حطيه على كامل جسمج و ويهج وخلي 10 دقائق

    بعدها حطي الماسك ( حنا + ماء ورد + قليل من الليمون + سدر وقليل من حجر السفيد اب ) اخلطيهم مع بعض وحطيهم على جسمج كامل مع الصابون 5 دقائق

    اشفطي و اغسلي جسمج كامل بماء ساخن

    واغسلي الليفة بماء ساخن وابدائي افركي جسمج كله بخفة مب بقوة وبحركات دائرية بلييز عشان لا تخدشي جسمج ولا تجرحيه لان عادة الليفة تكون خشنة

    وانتبهي انتبهي تستخدمي الليفة على ويهج افركي ويهج بيدج استخدميها لرقبتج واستخدميها للمنطقة الخاصة بخفة ونعوومة حيل بتلاحظي الخلايا الميتة تطلع من الجلد والبشرة

    بعد ما تنتهين من الفرك اغسلي جسمج اول بماء دافئ وبعدها اشطفي جسمج بماء بارد جدا

    اخر شي حطي قناع على كامل جسمج كخطوة اخيرة ( نشا + ماء ورد + زبادي ) ممكن تستغنين عن الزبادي
    انتظري 5 دقائق وبعد ما ينشف القناع اغسليه بماء بارد واغسلي كل جسمج وشعرج بماء بارد جدا حتى مسام البشرة تتسكر

    ونعيما

    كرريه كل اسبوع مرة مب اكثر وبتلاحظي الفرق
    دعواتكم

  4. @bright_brain

    انتي تبين سيقانك تنحف ..وانا ابيهم يسمنون كنهم مساويك ههههههههههههههه

    بس نصيحه سوي لها سكراب وحطي بعدها كريم ...ولا اغسلي سيقانك بمويه حاره شوي ثم ادهنيها مباشره بفازلين وجلسوليد واربطي عليهم كيس طويل خليها تخمر بعين بعد ساعتين تقريبا اغسليها وقشريها وامسحيها وحطي كريم وتصير نعومه وفاتحه ونظيفه....

تابعي تجارب أخرى من هذا القسم.