تدريس اول مره >>تبادل خبرات<<

الله يوفقك و ييسر أمرك و يسخر لك عباده و يكفيك كل ما اهمك

هلا اختي الله يسهل عليك اذكر اني كتبت موضوع قبل مدته ادوره وانسخه لك
موفقه ياقلبي حاسة فيك

أولا مبروك التعيين ويعطيك من خيرها ويصرف عنك شرها خبرتي كلها ثانوي وأعداد هائله والحمدلله قدرت أسيطر عليهم وأحبهم ويحبوني شوفي أول مرة تدخلين عليهم لا تصارخين نوعي بنبرات صوتك حسب الموقف ابتسمي واحسمي وقت الجد تبي تلاقين اول مرة بنات يقيسوا قوة الشخصية بينهامن أول يوم اتفقي معهم على شروط أنا أسميها بنود صلح وأهمها الاحترام المتبادل تقولي اناما أطالبك تحترميني هذا راجع لتربيتك أناأطالبك تحترمين نفسك فقط واذا أحترمتي نفسك وصرتي محترمة تجبرين المعلمة على احترامك وش أفضل من معلمة تحترم طالبة تصير ليش لانك بأخلاقك أجبرتي الكل على أحترامك ودائما أذكرهم بحديث الرسول صلى الله عليه وسلم (مامن شئ يثقل ميزان العبد الؤمن من حسن الخلق) وبعد ذلك وضحي لهم أن كل تبيه الطالبة من درجات واختبارات ميسرة متوقف على الادب وخصصي درجات للسلوك وبيني أن أسئلة الاختبار ماهي نموذج واحد عدة نماذج للفصل الواحد منها السهل والميسر للطالبة المحترمة نفسها ومنها الصعب المعقد للطالبة اللي قلة أدبها وهذي أفضل طريقة وجابت نتيجة ايجابية وبعد ذلك وضحي للطالبات الاشياء الأساسية وكوني حازمة فيها وهي أنك تدخلين الفصل ولاطالبة تدخل بعدي الا اذا جابت ورقة من الادارة والورقة مختومة واذا دخلتي الفصل معك القائمة من أول يوم وحضري البنات والي طالعة قولي للأدارية المسؤولة عن الفصل واذا الحصة الاولى لا تدخل الطالبة الا بورقة يمكن تكون بدورات المياه وتسهبل وتقول توي جايه وشددي على ذلك حتى لو تشوفي المدرسات متسهلات في ذلك ماعليك منهم وذكري الطالبات أني أنا بمدرسة والمدرسة نظام مفروض ومحكوم علي الوقت والكلام والشكل ماني بحفلة أروح وأجي على كيفي ........هذا اللي يحضرني الان اذا تذكرت شئ اضيفه والله الله بالاخلاص والشرح الوافي تراها أمانة تسألون عنها وترى المعين الاول والاخير التوكل على الله والدعاء وأي استفسار أناحاضرة ودعواتكم لي بالوضيفة لان لي تسع سنوات وأنامتخرجة,,,,,,

شوفي يالغالية انا زيك اول مرة ادرس .............خليك واثقة ولايهمك شي ودائما حطي بين عيونك ان هالي قدامك بشر حالهم حالك وان 99بلمئة من المعلمات بدايتهم زي بدايتك يعانون من بعض التشتت في البداية فقط لاكن مع الثقة والرغبة في الانجاز ومراعاة الامنة التي ائئتمنتي عليها وان تضعي الله اولا وقبل كل شي بين عينيكي عند ادائك لمهمتك صدقيني سوف تنجزين.....ثم لاتنسي الدعاء ثم الدعاء ثم الدعاء فكم من احلام كانت مستحيلة في عيون اصحابها يسرها لهم دعائهم للمولئ...............اهم شي لاترتبكي خليكي واثقة من نفسك لو ضاهريا ترا اهم شي الثقة اما الادارة وامام الطالبات وان يكون صوتك جهوريا وواثقا..............

الله ييسر لك ... ت
وكلي على الله وحظري الدرس زين و بالفصل وزعي نظراتك على الجميع ...
اشوف ان اول حصة تكون تعارف وبيان القوانين وتوزيع الدرجات و نبذة عن المنهج .>> والقرار لك .. والله يوفقك وييسر امرك