مشكلتي أنا ... وبنـاتي !!!

الله يخليكم لبعض

حبيبتي المشكله أكبر من كذا
يعني كونهم يروحون بيت عمهم مو مشكله
المشكله في أنهم ما يحسبون لك حساب ولا يهمهم رأيك ويطلعون بدون شورك
كون أبوهم ما يشجعهم على طاعتك فهو أسمحي لي نظره قاصر
بكره إذا كبروا ماتقدرون عليهم
لازم يعرف الشي هذا ولازم يشارك في التربيه
بس لا تجيبين طاري بيت أخوه
قولي له إن البنات ما يطيعون ومن هالكلام
أهم شي البنات ما يسمعون
و بعدي عن الضرب و نمي فيهم أسلوب الحوار
أجلسي معهم و خصصي من وقتك تجلسين معهم ويفضل كل وحده يكون لها وقت خاص
أعرفي أيش يحبون قصي عليهم قصص الصحابه أو قصص ولادتهم وطفولتهم

دام أبوهم مرخي لهم الحبل فا يد وحدة ماتصفق

إقنعي أبوهم بتغيير وضعهم .......... فهميه إنهم بنات ينخاف عليهم

وهم توهم صغار يمديك تسنعينهم قفلي الأبواب الداخلية .

الله يصلحهم عندي بنتي نفس الشي تموت علىبنات عمها بس انا في الاسبوع اخليها تروح مره بس علشان طفشانه بروحها وبعد اخليها ساعه واروح اجيبها
وكما قالوا الاخوات خلي لهم كل انواع التسليه في البيت
مثلا بنتي اخلي لها توم جيري في دي في دي
وكل انواع الالعاب عندها بس اوقات ارحمها لانها ماعندها احد يلعب معها

وفري لهم ادوات ترفيه في البيت اطلعي بهم لاسواق ومطاعم وسعي صدورهم خليهم ينسون بيت عمهم يمكن موجود في بيت عمهم بلاي ستيشن والعاب اطفال وماهي موجوده عندكم