بنات انا في كأبه بسبب عدم زواجي ساعدوني وعطوني حل

ربكم كريم

الله يجزاكم الجنه احسبتحسن كبير الحمدالله

الله يرزقك بالزوج الصالح لكن الوضع اللي انت فيه سيئ مو كذا تحل الامور وترا الوضع بيقلب عليك


اطلعي غيري جو وعيشي وضعك عادي والنصيب بيجيك ان شاء الله اما كل يوم تحسبي له بيطول الانتظار


حلو انك تنشغلي ويجيك العريس من غير ما تحسي

البنات ماقصروا .. كلامهم حلو ومقنع

ماراح اتفلسف عليك واقولك فكري بإيجابيه و طوري مهاراتك و اوجدي هدف لذاتك
وانتي في هالحالة مو طايقه تسمعين مثاليات خخخخخخخخخ لان الكلام سهل وببلاش بتلاقين الف شخص يقول هالكلام لكن ماراح تلاقين الا 1% يطبقه وهذا الواقع

وماراح اقول توظفي و الا ادرسي لان مو كل الناس طموحها وظيفي او علمي .. فيه ناس ماتبي من هالدنيا الا زوج وبيت وعيال .... وهذي فطرة في كل انثى مهما حاولت تكابر .. الا نسبة قليله من النساء او الرجال لا يوجد لديهم رغبة في الزواج سواء لظروف معينه او لسبب نفسي او شي من الله خلقه فيهم

وماراح اجي و اقولك الزواج ليس هو الغايه ولا يعني السعاده ويمكن تتزوجين وماتتوفقين وانتي احسن من اللي زوجها يضطهدها ومدري ايش ...!!

لاني اعرف انك تقصدين بالزواج .. الزواج الناجح .. الاستقرار .. شريك الحياة الصالح اللي تحلمين فيه .. الرفيق الصالح اللي يكسر عليك صمت الوحدة ويرد عليك الصوت .. اللي يعطيك عاطفة وحب وحنان و اهتمام من نوع خاص مايعوضك عنه اي احد ثاني .. البيت اللي يحتضنك و تشعرين فيه انك سيدة آمره ناهية .. يصير لك مجتمعك الخاص فيك ... يكون لك كيان وحياة مستقلة

وماراح اقولك احمدي ربك عندك اهل وصديقات ومدري ايش .... لان مهما كانت حياة الشخص كامله اجتماعيا ومستقرة .. الا انه بفطرته يتوق لشريك وحبيب ورفيق من الجنس الاخر .. نوع معين من الحب والعاطفة لا يتحقق الا بالزواج

مع اني لا اغفل عن وجوب شكر الله على نعمة الصحه والعافيه والامن والاهل و غيرها من النعم اللي لاتعد ولا تحصى ... هذا شي مفروووووغ منه

بس راح اقول لك اشياء يمكن تكون عزاء لك وتواسيك وتخفف عنك شعورك بالاحباط والاكتآب

اول شي ثقي ثقة تامة انك مو لحالك في هالوضع .. فيه غيرك كثيــــــر والله كثيييييييييير وبعضهم كتب لك بالردود .. يمكن يكونون محتاجين الزواج اكثر منك ويمكن عملوا ودعوا اكثر منك بأضعاف ... لكنهم مازالوا مثلك في حالة انتظار و احتضار .. !

يعني لا تحسبين انك الوحيدة اللي تعاني من هالموضوع .. حتى لو كانوا كل اللي حولك متزوجات


ثانيا ترى حتى الكفار واليهود والنصارى والفجار و العاصين يتزووووووجون .. يعني ترى الزواج قدر ومكتوب وقسمة ونصيب .. ماله علاقة لا بدين ولا بعرق ولا بشكل ولا لون
وترى الصلاح او الدعاء مو شرط (إلزامي) للزواج

فلا تكلفين نفسك فوق طاقتها . ارحمي نفسسسك و لاتحملينها مالاتطيييييق ولا تحسسين نفسك بالذنب لمجرد انك مادعيتي او مااجتهدتي او ماطلعتي او او او الخ .. وتخلصي من فكرة (انا مادعيت اذن انا ماراح اتزوج)

لان كل انسان و نيته و ظنه .. لا تخلين هالفكرة تسيطر عليك وتتحكم بحياتك

اذا جا نصيبك راح تتزووووووجين .. سوااااااء كنتي تدعين او لا

الدعاء و الطاعات مجرد سبب و واحد فقط من مفاتيح الرزق .. لان احيانا ((و ركزي على احيانا)) تكون المعاصي سبب في الحرمان من الرزق

لكن مو دايم و لاهو شرط

عشان كذا .. كثير تلاقين توجيهات وتأكيد على مسئله ( رضا الله اولا ) و (اخلاص النية في العمل)

اللي بيدعي و يعمل اعمال صالحة فـ المفروض يعملها لاخرته و لدينه و لربه .... لا يحط في باله الدنيا

طبعا انا مااقصد انك تتوقفين عن الدعاء ... لالالا ابدا .. استمري بالدعاء بخير الدنيا والاخرة لان الله امرنا بالدعاء
والدعاء مخ العبادة .. وسلوى المؤمن

يعني انتي تدعين لان الله امرك بهذا .. و لانه قاضي الحاجات .. ولانه وعد ووعده الحق (ادعوني استجب لكم)

كيفيه الاستجابه ؟ ومتى راح تتحقق ؟ وكيف بتتحقق ؟ طيب وشلون بتتحقق وانا عمري كذا او شكلي كذا او اهلي كذا ؟؟ ... هذي مو اختصاص العبد ... هذي في علم الغيب مايعلمها الا الله

فلا تشغلين نفسك بشي مو من اختصاصك .. فـ ليييييشش تذهب نفسك عليك حسرااااات وكل شي مكتوووووب في اللوح المحفوظ من يومك في بطن امك ؟؟؟

صحيح ان الدعاء يتصارع مع القدر .. فيصرعه .... وهذي من نعم الله وفضله علينا .. انه وجهنا في كتابه الكريم وسنة نبية محمد صلى الله عليه وسلم ... لهالامور اللي تبعث في النفس الامل والتفاؤل وتجدد العزيمة

لكن هذا مايعني ان كل دعوة ندعيها لاااازم واجباري نشوفها قدام عيوننا في الدنيا ...!!

لكل اجل كتااااااااب ...... ومتى ماجا نصيبك والمكتوب لك بيتحقق والله حتى لو فيك عين وسحر وربط وكل هالامووووور

وعشان بس اهدئ من روعك ....اقولك قصة شخص اعرفه معرفه شخصية

شاب في مقتبل عمره ... كان مسحور سحر تعطيل .. وماكان يدري عن نفسه

وقرر يتزوج .. وتخيلي انه ماكان عنده وظيفه ولا كان قادر على فتح بيت ... لكن ربي كاااتب له يتزوج

وتزوج ... احلى زواج .. ومانقصه ولا شششي

وتخيلي ان حياته كانت هادئه ومستقره .....!! ومره حس ان كثير من الناس يتكلمون عنه وخاف على نفسه من العين وخاصه انه لاحظ اشياء بسيطة ... فـ راح لشيخ .. قال بقرا على نفسي من باب الاطمئنان .. ووقتها اكتشف ان عنده هالسحر وكان عدى على زواجه سنتين .... تخيلي ..!!
وين راح سحر التعطيل ؟؟؟؟؟؟؟

انما امره اذا اراد شيئا ان يقول له كن فيكووووون .. لا سحر ولا عين ولا غيره

وبرضو احب انوّه اني .. مؤمنه جدا بالعين والسحر وغيرها من الامراض الروحيه الله يشفي جميع المسلمين ويحمينا منها

و انا دااائما انصح ان اي وحدة تشك في نفسها ترقي نفسها سواء برقية مسموعة في النت او تروح لشيخ او تشرب ماء مقري فيه او ماء زمزم .. كلن وقدرته .. ان ما نفعت ما ضرت

حلو ان الواحد يبذل الاسباب .. لكن هذا مـــــاااااا يعني انه هالامور لو ماتعالجت انها تمنع مشيئة الله

يعني لاتقولين في نفسك انا فيني عين اذن انا ماراح اتزوج ...!! انا مسحورة اذن ماراح اتوفق .....!!

وسالفة الزواجات والخطابه والطلعات والاهتمام بالنفس .... برضو اشجع اي بنت عليها .. اعملي بالاسباب
و أكدي قولك بالعمل ... مثلا تقولين انا ابي اتزوج ... يعني المفروض اكثر ظهور للعالم .. اهتم بشكلي واناقتي ... اكلم خطابه لعل نصيبي يكون على يدها .... لكن لا تعلقين نفسك في اي سبب من هالاسباب

مثلا تطلعين وتقولين طلعت وماانخطبت ..!!

او كلمت خطابه ولي سنتين مادقت علي ..!!

ابببببدا لا تفكرين بهالطريقه ...... بالعربي اعملي بالاسباب لكن كوني واااااااثقه ان رزقك بيد رب العالمين لا هو بجهدك ولا جهد غيرك

و اعلمي ان الامة لو اجتمعوا على ان ينفعوك بشيء لن ينفعوك الا بشيء قد كتبه الله لك
ولو اجتمعوا على ان يضروك بشيء لن يضروك الا بشيء قد كتبه الله عليك

رفعت الاقلام وجفت الصحف

يعني اذا ربي كاتب لك تتزوجين وكل العالم وقفوا في طريقك وحاولوا منع هالزواج بسحر او عين او فتنه او اي شي بتتزوجييييين حتى لو فيك عيوب الدنيا والاخرة ومافيك ذرة جمال

و العكس صحييييييح

فـ كلما كان ايماااانك قوي ان الله هو اللي بيده كللللللللللل شششششششششي

كلما اطمئنت نفسك وارتحتي اكثر واكثر .. وكلما صار اخر همك الناس وكلامهم ونظراتهم

لانهم ماراح ينفعونك او يضرونك

وبعدين حالتك الحين هي افضل حالة للدعاء

لانك في وضع انكسسسااااار وقمة الاحتيااااج والضعف

ليش ماتوظفين هالشي لصالحك ؟؟؟؟؟؟

ماراح اقولك قومي الليل ساعتين واختمي القران بثلاث ايام و اضغطي على نفسك ولا راح اقولك تفنني بالدعاء و احفظي ادعية بالصفحات (( برضو انوّه اني أأيد التطهر و التزام اداب الدعاء والتنويع في اساليب السؤال و دعاء الله بأسمائه الحسنى وصفاته العلى )) بس انا هنا اتكلم معك بشي يناسب حالتك .. ماابيك تحملين نفسك فوق طاقتها وتحسسين نفسك انك المفروض تسوين اشياء كثيرة عشان ربي يسمع دعائك .. فـ تتكاسلين وتتثاقلين وتتركين الدعاء بكبره

بقولك بس ... ان الله قرررررررريب منك يسمعك ويشوفك ويعلم بحالك و اررررحم بك من نفسك وامك واقرب الناس لك ..
بالله صعب عليك تقولين وعينك تدمع يااااااااااااااااارب ؟؟؟؟؟؟

بس

مابيك تقولين غير هالكلمه العظيمه ( ياااااااارب)

حتى لا تقومين من سريرك ولا تسوين ولااااااا شي .....

بس قولي ياااااارب يااااااااااارب يااااااااااارب ... بقلب صاااااادق خاااضع ذليييل منكسر مفتقررر ... و اعلمي انه سميع قرررريب ومجييييييب .... يعلم بحاجتك اكثررر من نفسك

يجيب المضطر اذا دعاه ... يجيب دعوة حتى الكافر العاصي اذا لجأ الى الله بقلب صااااادق وبكل ضعف و انكسار

فمابالك بعبد مؤمن مصلي صايم ذاكر شاكر تائب .. ما سجد لغير الله قط ... وماسبح غيره وما التجأ لسواه ؟؟؟؟؟؟

نقاط سريعة ..

* فضفضي .. فضفضي .. فضفضي ... مع بنات يشاركونك نفس الحلم ونفس الالم ... هالشي راح يفيدك كثير والمنتدى فيه تجمعات بهالخصوص

* كلما حسيتي بالاحتياج .. تأملي في احوال المرضى والمعاقين والمحرومين من نعم كثيرة .. الله حباك بها و فضلك على كثير من خلقه

* كلما تضايقتي من تأخر الفرج .. عددي على نفسك النعم والاشياء التي امتن الله عليك بها

مثلا .. قولي انا ممتنه لله على الصحة والعافيه وغيري يتقلب على فراش المرض تغزوا جسده الابر والانابيب ولايعرف طعم النوم والراحة .... انا ممتنة لله على كمال خلقي وغيري قد تشوه خلقه .... انا ممتنة لله على انه خلقني مسلمة وغيري يعاني من ظلام الكفر و عقاب الاخرة ... انا ممتنة لله على ان رزقي نعمة العقل والاتزان وغيري لا يعي مايقول ومايفعل .... وغيرها وغيرها

و الله وصلت لهالنقطه وانا احس الكلام ماخلص .. في قلبي حرة وقهر عليك وعلى اي وحدة تمر بنفس حالتك

وودي اني اوصل لك الفكرة و اتمنى انك فعلا توصلين لقناعه تريحك وتصبر قلبك

و ارجو ان كلامي كان موفق سهل مقبول

اعتذر عن الاطاااالة اللي ماكان دافعها الا حرقة قلبي عليك وعلى كل وحدة تعاني سواء من موضوع الزواج او غيره[/QUOTE


دررررررررررررررررررررررررررره
ماشاءالله على الكللام اللي يشرح الصدرر كفيتي وفيتي اختي اضم صوتي معااااااااااااااااج

تعرفي ان في ناس تتمنى انها ماتزوجت عايشه بنكد
فانتبهي انك تدعي انك تزوجي وبس لان ممكن تتزوجي
بس تعيشي بتعاسه ادعي ربي انه يكتب لك الخير سواء تزوجتي والا ماتزوجتي
وحاولي تشيلي الموضوع من بالك مو عشان مافي أمل بس لاجل تقدري تقومي بواجبك اتجاه ربك
تاكدي تماما ان اللي كتبه لك ربي جاااايك والزواج مو هو السعاااااااااااااااااادة
تبي ترتاحي وتسعدي بحياتك ارضي ربك والله راح تشوفي كيف تتغيري وتصيري راضيه عن نفسك ومرتاحة .
الله يوفقك وتتزوجي وتسعدي بحياتك ويعينك ربي على طاعته يارب
الدعاء اكييييييييييييييد اعظم وسيلة لتحقيق ماتتمنيه ادعي