مين لاحظت شروق شمس يوم الاربعاء(يوم الامطار)

بدايه الله يرحم من غرق في الامطار ويتقبلهم شهداء يااااااارب

ويصبر اهلهم

ويجبر كسرهم


انا يوم الاربعاء يوم المطر

صحيت وقت الشروق كان لون الشمس مو طبيعي

حتى خفت قلت بتقوم القيامه وبتطلع الشمس من المغرب

كان لونها برتقالي على حمار كلن لون غريب

مو كانه شروق عادي بعدين بدأت تنزل الامطار وفرحنا فيها بعدين صارت الكارثه الحمدلله على كل حال

انا ما اتضررت الحمدلله يارب غير من الغرق في بعض عفش البيت بسبب تسرب المويه من الشبابك

ويعتبر هذا الشئ هين بالنسبه للي صار لغيري

في احد لاحظ الشروق هذاك اليوم والله كان شكله مخيف

21 تعليق 2,976 مشاهدة

شاركي في النقاش

سجلي الدخول لإضافة تعليق.

التعليقات

21
  1. اي صح افتكر السما كان لونها على حمار والجو مو طبيعي

    اكثر شي صدمني اني غفيت قبل لاينزل المطر وصحيت وهو ينزل انبسطت من منظر المطر وفكرته لسه فجر انفجعت لمن طالعت في الساعه وشفتها 8 والله كانو مغرب حتى انوار الشارع لسه مولعه
  2. @ahl_shkyh_1

    صح فعلا كان الون السماء احمر ومخيف

    انا كمان لما شفت المطر فرحت وطلعت فوق السطح لحظه مكان ينزل قلت بجلس تحت المطر بس يابنات صار شي غريب مرة لي

    فوق سطح بيتنا فيه نجف حطينها ما نبغها كنت انا واقفه بجنب النجف المهم جاء البرق والله يابنات ان النجف اتكسر وهوة بجنبي خفت مرة قلت شكله من البرق بس ربي سلمني

    بجد حسيت ان ربي كتبلي عمر جديد
  3. فعلا الجو كااان مخيف ومظلم وياليته جات على كذا حسبنا الله ونعم الوكيل ..بيتنا راااح العمارة اللي ساكنين فيها السيل غطى الدور الأول ومنها شقتنا وراح العفش والأثاث وكل شئ في البيت انتهى ..الحمد لله على كل حال واليوم زوجي واخوه راحوا عشان يأخذوا لنا شقق مفروشة وجات الصلاة ونزلوا يصلوا وترك زوجي جواله في السيارة واخوه ترك المحفظة ولمن طلعوا من المسجد حصلوا زجاج السيارة مكسور وانسرق الجوال والمحفظة لاحول ولاقوة إلا بالله..موهذا موضوعكم بس حبيت افضفض احس اني مخنوقة

تابعي تجارب أخرى من هذا القسم.