تدريس اول مره >>تبادل خبرات<<

بالتوفيق ان شاء الله

شكرااااااا من قلب .... والله في اشياء ماكانت على بالي ابدا بس ماقصرتوا وخاصه شموخ و اميرة نفسه .... ان شاء الله في هذا اليوم المبارك ان الله يستجيب دعاء ويوفق كل من رد علي و انه مايعقدلهم امر يـــــــــــــــــــــــــــــــــارب

الله يوفقك حبيبتي والف مبروك وربي يفتحلك امين من اوسع ابوابه البنات ماقصروا ماشالله بس انا عندي اضافات حابه اضيفها لك
ان شالله تفيدك اول شي وقبل كل شي خلي الدعاء والاستغفار صديقين لكي في كل مشوارك في كل خطوه ادعي ربي يفتحلك وييسرلك ويباركلك في حصتك ومعلوماتك ورزقك وحب الطالبات والاداره لكي وقبل كل شي حب الله ورضاه عنك وتقومين بواجباته
ثانيا اول حصه لكي راح تكون تعارف تعرفي عن نفسك وايش مجالك وايش راح تعطيهم كمان توريهم كيف راح يكون توزيع درجاتهم وكيف راح يكون اسلوب حصتك معاهم وكيف تحسبين درجات المشاركه تبعهم وانظمتك يعني الانظمه الي راح تتبعيها معاهم طول الترم من اختبارات وواجبات وانشطه ومشاركه وحساب لدرجات السلوك والثواب والعقاب اتفقي معاهم على كل شي لانه الي اوله شرط اخره نور
بعد كذا اتوقع دحين اغلب المدارس صار نظامها بالتحضير الكتروني يعني يطبعون تحضير الوزاره او التحضير النوذجي تبع المكتبات اكثر من اليدوي انتي بهذا الخصوص لازم تتعرفي على معلمة من نفس تخصصك ترشدك وتساليها في هذي الامور هم كيف نظامهم بالنسبه لدفتر التحضير والتوزيع الدرجات والاختبارات وغيره او تسالي المراقبه او موجهتك
قبل ما تحضري لدرسك سمي الله واتوكلي عليه وحضريه ورتبي افكارك بالدفتر التحضير ثم اشرحي كانك بالفصل الين تتقني الدرس بعد كذا شوفي ايش الوسائل التعليميه الي ممكن راح تستخدميها وايش طرق التدريس الي راح تستعمليها يعني على حسب درسك راح تستخدمي عصف ذهني ولا لعب ادوار ولا عرض بوربوينت ولا عرض صور ولا غيره
لما تبداي الحصه ادعي ربي يوفقك ويفتحلك ويباركلك بحصتك وابتسمي للبنات بس تكوني حازمه وابداي اول شي بتفتيش الواجب طبعا لازم يكون عندك سجل المتابعه وتكتبي من نقصت الواجب وكذا بعدها اسالي عنه واتاكدي انه الكل صحح اجابات الواجب بعدها اسالي وراجعي الدرس الي فات ثم ابداي تمهيد درسك الجديد وخلي منه البنات يستنتجون موضوع درسك وابداي بالتفاصيل وفي الاخير توزعي عليهم اوراق عمل او تطبيق سريع وتعطيهم الواجب وفي النهايه سجلي اسماء الي شاركوا معاكي بالحصه وحاولي كل بعد فتره تكافئين البنات المجتهدات والمهذبات معاكي واخيرا وليس اخرا لازم يكون تعاملك مع بناتك على اساس الاحترام والجزم مع روح الدعابه والابتسامه يعني لاتكن لينا فتعصر ولاتكن قاسيا فتكسر وصلى الله على سيدنا محمد ان شالله اكون ساعدتك وافدت كل معلمة جديده ولا تنسيني من الدعاء انه ربي يوفقني لكل ما اتمناه ويبلغني له

والله ماقصرتي .... احلى كناري .... شرح وافي وكامل من كل الجوانب وحسية انه سهل بس انا مصعبتها ..

والله يجزاء كل اللى ردوا علي كل خير ويبعد عنهم كل هم وغم يارب ياكريم

رجعت لك لاني تذكرت شيء
ما شاء الله البنات كفو ووفوا
بس حبيت انبهك وانبه الجميع انه اذا جيتي تشوفين الواجب خلي معاكي قلم احمر وحطي علامة صح ع واجب الطالبه
لان البنات عندهم طريقة تبادل الدفاتر بين الفصول او بين بعضهم