شاركي في النقاش

سجلي الدخول لإضافة تعليق.

التعليقات

2,006

  1. @hbyb_nony

    لحظة انكسار
    مرحبا بنات وحشتوني>>ابي اصيييييح لا ماتوقعت المسئوليه كذا حوحو ام نوسه انقذوني ولدي ذبحني مو راضي يرضع من صدري مادري وش اسوي بس يشرب صناعي واذا حطيته عند صدري يبكي انا اتوقع لان ماحطوه على صدري اول ماانولد لانه كنت مبنجه بنج كامل وماشفته …
    هلا حبيبتي
    أنا نفس الحالة
    بنتي ما تتقبل صدري
    تفر براسها بعيد
    وتتقبل المرضعة ..لانه في المستشفى كانوا يعطونها في النرسري >>>بس الوالدة قالت لي
    إنه السبب إنه صدري ما كان في حليب.. وقالت لي حاولي معاها لا تييئسين وإذا شفتيها وايد يوعانة عطيها صناعي و فعلا اًمس الحمدلله نزل الحليب و بدات تمص >>>و أنا بعد اشفط واعطيها من حليبي بالرضاعة و الأمور في تطور
    يبغيله صبر

  2. @hbyb_nony

    حبيبة نوني
    هلا حبيبتي أنا نفس الحالة بنتي ما تتقبل صدري تفر براسها بعيد وتتقبل المرضعة ..لانه في المستشفى كانوا يعطونها في النرسري >>>بس الوالدة قالت لي إنه السبب إنه صدري ما كان في حليب.. وقالت لي حاولي معاها لا تييئسين وإذا شفتيها وايد يوعانة عط…


    بنات بنزل موضوع عن ولادتي بس على كم رد..لأنه ما عندي كيبورد عربي..والكتابة تاخذ وقت طويل
    ومن غير حابه اكتب بالتفصيل مع نصايح وملاحظات للي بيولدون

    قصة ولادتي

    إليوم: الثلاثاء 24-11-2009

    كان عندي طلق خفيف..من غير الصبح الساعة 9 ونص موعد مع دكتورتي
    كشفت علي وقالت مفتوح 1 ونص

    قالت لي..انتي مب تبغبني أنا أولدج؟ إليوم وباجر عندي شفت في المستشفى وممكن أولدج
    توكلت على الله وقلت انزين ..لأنه نظام المستشفى الدكتور اللي عليه الشفت يولد... وتيم الدكاترة فيهم دكتورين ذكور..وما بغيت ريال يولدني..وقلت فرصة أوافق واستر على عمري

    عطتني ورقة دخول للمستشفى عل 4 ونص العصر عشان تعطيني شي يوسع ال-cervix

    رحت البيت
    وشيكت على شنطة المستشفى.. وسويت لفة سريعة على تنظيف البيت

    نصيحة على الهامش للمقبلات على الولادة

    جهزي شنطتج من أول التاسع .لأنه لأخر لحطه وانتي تحطين فيها
    بالنسبة لي ..لأني مجهزة من زمان..ما نقصني شي في المستشفى الحمدلله ...من الأشياء اللي فادتني ...
    1- السناكس ..لي ولزوجي ..مثل مكسرات وبسكوت وماي...
    2- روب دافي .. دلاغ...سليبر ...
    3-كنتينر بلاستيك لإستخدام الحمام+ وايبس نسائي
    4- أي بود..فيه قرأن ..كنت أسمع منه القرأن

    البيت رتبيه ترتيب عميق أول التاسع ...وبعدين يومياً لفي عليه على السريع ..لإنج لم ترجعين ما عندج لا وقت ولا نفسية لتحمل الفوضى

    من ناحية الجسم ونظافته بعد حاولي تكونين مجهزة نفسج ..أنا شلت شعر جسمي ..وشقرت ويهي ... والحين أنا في النفاس وحاسة اني نظيفة..وفرش ..من غير كنت شارية لي بيجامات وجاونات حلوة ودافية و- حتى توك شعر ..عشان أكون ستايل ونفسيتي تكون زينه في النفاس

    جهزي إحتياجتج للنفاس ..وحطي كل شي في مكانه مثلاً أنا ...بالنسبة للحبوب إلي تستخدم في النفس..جهزتها في كونتينرات وحطيتها في زاوية في المطبخ..وبالنسبة للملابس وصدريات الرضاعة والاندروير رتبتهم في سلات وعلقت الملابس في سكشن خاص..
    في الحمام رتبت في السدات الفوط الصحية ..والغيارات ..والملح عشان الجرح
    كل هلtنظيم بيختصر وقتج بعد رجوعج للبيت



    العصر توكلنا المستشفى ... دخلوني غرفة خاصة ...وعطوني أبدل ..
    وبدو معاي التوسيع بوضع مادة في ال-cervix...
    بعد ساعة..بديت أحس بالألم يزيد ..w عطوني مهدئات لتخفيفها
    وما خف الوجع إلى بعد ما شلو مادة التوسيع مني
    إستمر الوضع لين 5 الفجر


    إليوم: الأربعاء 25-11-2009

    نقلوني بعدها للغرفة إلي بولد فيها
    وبدو معي دوا الطلق
    ورايحين جايين يقيسون الرحم
    بعد كم ساعة بدأ الألم يحر
    ورى بعض الانقبضات
    وطلبت إبرة الظهر

    to be continued !!!

  3. مشكورين للي هنئوني على الانجاز :26:
    العقبى لكم

    أم نوف ونايف

    لا ابدا ,احلى شيء البجامة

    كيان طفلة
    الله يردها لك سالمة يارب
    بكيتيني والله عليها
    ذكرتيني بحالتي في ولدي الاول كنت اسهر الليل اراقب كل حركة واصيييييييييييييييح
    عموما ماقلتي لنا ظروف الولادة كيف
    وبنتك الاولى ايش كان عندها
    ولا اوصيك بالدعاء

    خليك معاناطمنينا عليها

    أم نسيبة

    قلبتي المواجع يابطة
    انا نفس الحال واحب كل شيء مرررررررررررتب
    احس اني ابعد مايمكن عن شخصية الأم
    وحاسة بوضعك انتي وحواء
    لان اولادكم كلهم صغار
    <<لما كنت مثل حالتكم كنت مااقدر حتى ادخل الحمام اتروش الا لما انادي احد من برا يساعدني
    بعدين اكتشفت طريقة جديدة
    احط البيبي في الغرفة واترك باب الحمام مفتوح بيني وبينه والولد الاكبر احط عنده العاب برا الغرفة واقفل الباب
    ويكون جنب الباب خخخخخخخخ متخيلة الوضع
    والحمدلله كبروا وصارو هم اللي يساعدوني ومرت الايام بلمح البصر

    وصحيح كلامك عن البنات خخخخخخخخخخخ ماتقفل فمها دقيقة
    لما يجوني بنات جيراني هنا :eek:ادوووووووخ

    حبيبة نوني ولحظة انكسار
    شاطرين وحلوين <<نعم للرضاعة الطبيعية

    حبيبة نوني
    واااااااااو
    الله يكتب اجرك ولادتك طووووووويلة

  4. @algman_6

    ربي يشفي بنتك ياكيونة ولو كنا نعرف كان افدناك بس انتي وكلي امرك لربك

    حبيبة نوني ماشاء الله تبارك الله انسانة مرتبة بس بالنسبة لشيل الشعر احس مالي خلق اسوي شي
    والمنطقة الي لازم اتعهدها صرت اتعقد منها ما اقدر اشوف حتى بالمراية مافاد معي>>>مافي طريقة سهلة

    بنات داخلني برد هل فيه ضرر على الحمل لان بطني على طول......!!!

  5. @l_u_l_i

    حبيبة نوني ... كملي بلييييززز لانو شكلي بكون زيك الدكتورة بتولدني ..

    بنااات سؤال .. اليوم رحت الدكتورة موعد و قالت لي اذا مولدتي بالموعد راح اسوي لك induction of labour و خايفة من السالفة لان مارح تعطني فرصة يعني بعد موعد الولادة ب3 ايام فا بنات من تعرف شئ عن هذا الموضوع
    و الظاهر حبيبة نوني مثل اللي راح تسوي لي الدكتورة ..

تابعي تجارب أخرى من هذا القسم.