شاركي في النقاش

سجلي الدخول لإضافة تعليق.

التعليقات

2,561
  1. سيرين9
    ولايهمك ياعسوله بس اشوف الردوداول مادري ليش مايسمحولي الابثلاث ردودخلال اربع وعشرين ساعه والله قهر اذاعندك حل يابنت الصقرياليت تلحقيناتكفييييييييييييييييييييييييييييييييييييييييييييييييييييييييييييييييييييييييييين:(
    مساء الخير جميعا واخص بالذكر بنات جده
    بصراحة كنت اشوف الكوارث اللي صارت بجده وانصعقت من اللي شفته والله انه قلبي تقطع على الناس وبيوتهم اللي راحت والارواح اللي انتقلت الى رحمة الله قسما بالله صدعت وعلى طول تذكرت اخواتنا اللي هناك يا ريت تطمنونا عنكم وايش عاملين والله شي يقهر لكن كل شي بيد الله سبحانه الله يكون بعونكم ويا ريت تطمنونا عليكم بنات
    لا حول ولا قوة الا بالله العلي العظيم
  2. @am_alhnof_4

    السلام عليكم ورحمة الله وبركاته
    كيفكم يا بنات وسلام خااااااااااااص لكل من سأل عني وكل عام وانتوا بصحه وسلامه يارب
    الحمد لله رب العالمين اعانني الله على اداء فريضة الحج واليوم الصبح رجعت لبيتي بس ما حبيت اطول عليكم وقلت اجي واشوف اخباركم ويشهد الله اني دعيت لكم كلكم الله يتقبل يارب
    ان شاء الله يومين اريح فيها وابدء معاكم من جديد باليوميات ياالله اشوفكم على خير
  3. @bsmat_2

    السلام عليكم ورحمة الله وبركاته

    كيفكم حبيباتي وحشتوووني مررره والله وعلى طول اتذكركم بالخير


    يا الله من الي شفته في جده والله يابنات اني بيني وبين السيول امتار في عماير قريب بيتي

    اقسم بالله قراشهم السيارات المويه واصلتها الين الشباك شي يخوف ولدي صورها وجا يوريني

    والله اخاف يكون عقاب من الله بسبب الذنوب اللهم ارحمنا برحمتك

    تصدقوا يابنات انا سافرت ينبع اول مادخلتها حسيت براحه غريبه وجلست فيها 3 ايام ما اتمنيت اطلع منها

    والله اهون من جده وربي احس بالسخط اعوذ بالله الله يرحمنا جميعا

    واختي طلبوا منهم يسيبوا بيتهم لانهم خايفيين من بحيرة الصرف الصحي

    الناس كانت خايفه من انفلونزا الخنازير وهي ولا شي وجا الي من جد يربينا

    ويعلمنا الاتكال على الله ربنا هو المتصرف والمتولي لهذا الكون ودحين خايفين من الاوبئه

    يابنات دعواتكم لنا في جدهان الله يلطف بينا ودعواتكم لكل مسلم على وجه الارض

    يارب اوسعنا برحمتك واغفر لنا خطايانا واسرافنا وتولانا يا ارحم الراحمين

    ماعندي كلام اقوله من الوضع الي احنا فيه انا رجعت بيتي والناموس قدامي كثير مع المطر

    وقمت على بيتي نظفت الحماماات وكنست ونظفت غرفة النوم والمطبخ نظفته بكلوركس

    وعقمت المغاسل ومسحت الارضيات بالديتول الحمد لله اول مادخلت اكتأبت من الغبار بس دحين

    نفسيتي ارتاحت شويه واكلت سندويشت لاني من الساعه 2 الظهر ما اكلت ولا اتغديت

    بس بسوي شاهي لان راسي مصدع وورايا غسيل ومالي نفس اغسل الله المستعاان بس لازم

    مممممممممممممممم وبس راجعه بكرا ان شاء الله واتمنى يرجع النشاط لان كسلت بزياااده

    ومايخارج كذا لان بدات اطفش بنااات يلا تشجيع وحماااس زي اول مانبغى كسسسسسل

    اخر شي اوصيكم باللجوء الى الله في السر والدعاء ان يبعد الله عنا المصائب والكرباات

    وان يصبرنا ويحسن خواتيمنا وان يقينا شر الامراض والمسلمين

    بنات مارديت على احد لان والله تعبانه وبقفل الجهاز جايه من سفر وكرف في البيت وتعبت

    بس اوعدكم لي عوده

    احبكـــــــــــــــــــــــن في اللـــــــــــــــــــــــه

    استودعكن الله الذي لاتضيع ودائعه
  4. @bsmat_2

    قبل لا اطلع بقول

    لسيرين ياقلللللبي والله احنا معذورين صدقيني في بنات تعبانين كانوا

    واولهم انا كا تعبانه ولا اقدر لاادخل ولا ارد على احد وفي بنات مسافرات

    وفي بنات مايقروا الردود يكتبوا ويرجعوا للردود وقت ثاني

    انا اقولك حياكي الرحمن واهلا وسهلا فيكي وانا اول المرحبات فيكي

    لاتتركينا رجاااء ولا تحرمينا منك ومن نصايحك

    وبالنسبه لطريقه التنظيف ان شاء الله الكل يستفيد منها وانا حجربها واقولك النتيجه

    اما الردود انا عادي اكتب ردود كثير مو 3 ومايسمحولي غريبه يمكن احد غيري يفيدك

    في امان الله حبيبتي

تابعي تجارب أخرى من هذا القسم.