~¤ô_ô¤~تجمع حوامل ونفاس الغربه~¤ô_ô¤~

ان شاء لله بكمل
ليش حبيبتي خايفة؟
إذا ناوية تاخذين إبرة الظهر لا تخافيننة استخرت كم مرة توكلت وسويت ال induction

السلام عليكم

كيفكم ياكروشات

وكيف النونوات ان شاء الله كل شي تمام

انا بنظم لكم باذن الله

وانا حامل بالشهر الخامس

تاريخ ولادتي 20 - 4 - 2010 ان ربي اراد


بنات الله يعافيكم عندي اساله كثير واتمنى منكم مساعدتي

ايش نوع الفيتامينات الي تستخدمونها ؟

انا استخدم prenatal من ماركه spring valley

وبصراحه مرره مو عاجبني لاني ما اشوف ان صحتي تحسنت بالعكس شعري فيه تساقط مو طبيعي واضافري تتكسر بسرعه والحمد لله انا بشرتي مافيها حبوب ومن حملت واخذت هالفيتامين وانا كل يوم طالعه لي حبه شكل

اقول لاهلي ما احس اني حامل

انا بحملي الاول كنت استخدم نوع مكتوب عليه برنتال علبته بيضاء وعليها رسمه بيبي بس مو عارفه ايش الماركه وللاسف الان مو لاقيته ابدااااااااا



سؤالي الثاني

ايش افضل عسل موجود بامريكا ابي شي اصلي وكويس

انا عادتا اشتريه من وال مارت الي شكله زي الدب والطبيب يقول انه كويس

بس ابي شي يكون ممتاز مثل عسل الغابه السوداء الي صناعه المانيه تعبت ادوره هنا بس مالقيته


والله يسعدكم ويتمم للجميع ويرزقكم بطفل صحيح معافا يارب

مرحبا ياصبايا اليوم بكتبلكم قصة ولادتي مع اني مااحب اتذكرها
طبعا انا دكتورتي كانت محددتلي ولادتي ١١/٢٥يوم الاربعاء وانا كنت عندها يوم الاثنين وقالتلي انو لسى شكلك بتتاخرين ومره تضايقت لان عطتني احتمال اني اولد في نفس موعد اختبارات زوجي ويوم الثلاثاء كانت النفسيه عدم ابي اي شي يولدني وقريت اني اتبخر بمره وكمون طبعا ماكنت مره مرتاحه بس قلت بجرب وتوكلت على الله وتبخرت فيها على الساعه٨باليل يوم الثلاثاء وماحسيت باي شي وتوقعت انه ماراح ينفع بس انا الرحم كان فاتح عندي ١سم صارله اسبوع لماجت الساعه٢الفجر رحت نمت وصحيت علىالساعه٥ بالم فضيع قمت صليت الفجر وزوجي كان توه بيدخل ينام ودخلت الحمام بعدها لقيت معاي شوية دم الله يكرمكم طبعا استغربت لان الالم بس كان في بطني والطلق قالولي يبدا من الظهر الى البطن فما توقعت انه طلق قلت لزوجي قال يالله بنروح المستشفى انا خفت حسيت الوقت قرب قلت لا بنتظر واشوف وش يصير ورجعت احاول ابي انام ماقدرت طبعا دخلت تحممت وشيكت على البيت واغراضي وشربت كاسة ينسون وتوكلت على الله ورحت للمستشفى وطول ماانا يطريق كان الالم خيالي والله اني كنت اوقف على رجولي من الالم كان يجي ويروح دخلت المستشفى على الساعه٨ الصباح وصارو يسالون وياخذون بياناتي ودخلوني غرفة الكشف وقالتلي فاتح ٢سم وفكت موية البيبي على الساعه١٠الحمد لله فتح ١٠سم وكان الطلق ذابحني واعطوني ابرة الظهر ودخلوني غرفة خاصه طبعا هذي الغرفه الي بقعد فيها انا استغربت وجابوا عدة الولاده وجهاز الطلق وجت النيرس الي بتساعد الدكتوره بولادتي وكانت تعلمني طريقة الدفع وانا كنت عارفتها من قبل وهنا بدات المعاناة صرت ادفع ولاكاني اسوي شي تخيلوا من الساعه ١٠ الصباح الى٥العصر وهذي حالتي والله ماارتحت ابدا كل شي كان تمام والبيبي نازل تحت بس الراس كان شوي بعيد وكانت النيرس وزوجي يساعدوني وزوجي كان يقرا علي ومع اني اخذت ابرة الظهر بس كنت احس بالطلق كان كل ٣دقايق يجي ويروح وبعدها فكوا عني المغذي حق ابرة الظهر لان اخر شي خلاص ماعاد قدرت ادفع وكان الي معطيني الابره زايد الجرعه شوي فاثر علي مره مرررره كان الم خيالي وجت الدكتوره وشافت ان الوضع ماتغير والبيبي ماتحرك وانا خلاص تعبت قالت احتمال اسويلها عمليه انا هنا سمعت العمليه صرت ابكي ماابي عمليه بعدين قالت بعطيك ساعه ماولدتي لازم عمليه لان الراس كان مو نازل بالحوض مره فايابنات التاسع كثروا مشي علشان الراس ينز ل تمام وقبل ماتطلع خلاص انهرت وقلت سويلي عمليه طبعا زوجي تعب معي ورحمني وقالي خلاص الله كاتب انك تولدين بعمليه وصار يخفف علي واجتمعوا عندي الدكاتره علشان العمليه وطلعوني لغرفة العمليات واول مادخلوني الغرفه جتني حالة رجفه مو طبيعيه خوف وبرد واشياء كثيره وابي امي واحس اني خلاص مو قادره بموت غطوني بشراشف كانت مره حاره ودخلوا زوجي معي وكان لابس مثلهم وماعرفته جاء ومسك يدي وانا مو عارفه مين واسحب يدي منه وعصبت عليه وهم كانوا يحاولون يبنجوني بنج موضعي بس مانفع معاي ودكتور البنج كان صيني كان يقرصني وانا ابكي مو عارفه ليه يسوي كذا معي بيشوف اذا تبنجت او لا بعدين عطوني بنج عام وماحسيت بالدنيا الا وانا بغرفة الانعاش وزوجي جنبي وكان يقولي جبت ولد يجننن يشبهلك اول ماصحيت كنت اقول ابي امي ابي اكلمها وانا كنت قايلتله قبل العمليه لااحد يدري الا لما اطلع وطبعا اتصل على امي وقالها اني ولدت وعلى طول انا كلمتها بعدها وماكان فيني صوت من البنج واول ماسمعت صوتها صرت ابكي وهي تهدي فيني وسالتني طبيعي والا عمليه قلتلها عمليه وصارت تقولي الحمد لله اهم شي انك خلصتي وقرت عينك بالبيبي وبعدين ودوني الغرفه وبعدها ب٥دقايق جابولي البيبي وكان يناظر فيني يدنن بسم الله عليه طبعا تنسين الالم وكل شي اذا شفتي عيون البيبي وجلست بالمستشفى ٤ايام وطلعت ومره خدمتهم كانت ممتازه كان يدخلون معي الحمام وساعدوني والحمد لله الحين احسن بكثير واقدر اتحرك وامشي والبيبي مسوي اكشن بالبيت وبس هذي كانت قصة الولاده ...البنات البكريات ترى الولاده مو هذاك الشي الي يقولون عنه بس انا الي لخبطني العمليه علشان كذا لاتقواون اني خوفتكم والا شي هي سهالات من الله والله ييسرها على كل حامل ويرزقها الولاده الميسره السهله