السلام عليكم مرحبا بنات راح ادخل بالموضوع على طول انا براسي افكار كتير ومشاريع كلها ناجحة باذن الله بس محتاجة بداية وحبيت اعرض افكاري وننقاشها سوا واي احد عنده فكرة لايبخل علينا انا طبعا فنانة بالماكياج من من الطفولة عندي الهواية لين ماصارت احتراف وطول عمري نفسي افتح مشغل بس الله ماأراد وكمان شاطرة بتصميم الازياء والموديلات واحب شغل التجارة موووووووووت ابغى اجيب بضائع من كل مكان واتعرف على تاجرات اتعامل معاهم مثلا الشنط والجزم والفساتين خصوصا اني عندي حرية مطلقة للحركة والسفروماعندي مانع من التعب والعناء من اجل بناء المستقبل وفكرت اني اجمع كل الهوايات والطموحات دي بمكان واحد من خلاله امارس فن التجميل ويكون معايا ناس للشعر والتساريح وفي نفس الوقت اعرض البضايع المميزة والفساتين او اصمم ويكون عندنا خياطة تكون شاطرة ونقدر من خلال المكان اننا ندير اي عمل تجاري لأني عندي افكار كتير مااقدر اعرضها كلها الان كتير جدا صدقوني يابنات ابواب الرزق واسعة ولازم الكل يستغل مواهبه وهواياته والرزق على الله انا الحمدلله موظفة وظيفة قطاع خاص وراتبها جيد لكن طبعا مايكفي والراتب محدود مهما كان كبير عشان كدة اي احد عنده افكار او يبغى يشاركني رحلة النجاح ويشتغل معايا الله يحييها ولو في تاجرات ممكن يوفرولنا بضائع مميزة بالجملة يكون احسن وراح نتعامل مع بعض على طول واي وحدة عندها هواية الماكياج او التساريح كمان الله يحييها ترى انا جااااااااااااااااااااااادة جدا يابنات وابغى ابدا شغل وراح نتفاهم على راس المال والتكاليف وممكن نبدا بداية بسيطة جدا بدون خسارة باذن الله طالما النية سليمة اكيد ربنا راح يوفقنا يلا همتكم يابنات وشاركوني التفكير والشغل استنى ردودكم ومشاركاتكم الفعالة والله يوفق الجميع:42:
شاركي في النقاش
سجلي الدخول لإضافة تعليق.
التعليقات
6- الله يوفقك ويرزقك المال والصحة والعافية مادام عندك موهبه في المكياج فهذا كفايه له دخل ..شوفي المشاغل الكبيره في المدينة واشتغلي معاهم مواسم
المشاركة المقتبسة غير متاحة.
الله يوفقك ويرزقك يااارب
ولو تبين شنط وفساتين واكسسوارات بالجمله حاااضره :26:- وعليكم السلام ورحمة الله وبركاته
الله يوفقك يا الغلا ويوصلك لمرادك
أنا أدرس تصميم بالتقنية والحمدلله شاطرة بالخياطة وفيه ناس عرضوا علي يشترون تصاميمي< فقط رسم
لكن أنا ميييييح مرة مافيني حماس أحس اللي حولي ودهم يصفقوني ^^ - حبيبتي مجرد عابرة ربي يسعدك ويوفقك انا ابغى عملي التجاري الخاص مو اشتغل عند احد
حبيبتي نور الورود ربي يوفقك وينولك مرادك
حبيبتي العنود 19 يسعدني التعامل معك ياريت ترسلي لي صور الفساتين والشنط رصيدي مايسمح خاص وابغى اعرف الاسعار
حبيبتي مس امونة لاتفكري كدا الحياة مغامرة تشجعي وادخلي عالم الاعمال والنجاح وخليك قوية وربي يسدد خطاك - مووووووفقه
مواضيع مشابهة
تابعي تجارب أخرى من هذا القسم.