تجمع للبحرينيات وتجاربهم المفصلة عن عمليات اطفال الانابيب والحقن المجهري/قديم

متابعة النقاش، صفحة 12

شاركي في النقاش

سجلي الدخول لإضافة تعليق.

التعليقات

274
  1. @hla_albhryn

    صاحبة الموضوع
    شوق02
    الله يوفقج ان شاء الله ويسهل عليج العلاج يارب العسكري بعد نفس تكلفه العمليه 800دينار وتقريبا سعر المنشطات تختلف من شخص لآخر كلفتني تقريبا 450 لأني سعر الابر الواحد 39وشئ اختي حلا شنو هي الابره التحضيريه لأن مااذكر انهم عطوني اياها


    هلا اختي شوق

    عاد ماسألتيني الا انا :eek:

    تصدقين ماكاني مسويه عمليتين من قبل ، اللي يسمعني توني جديدة على هالعمليات :p


    حتى زوجي يقول لي اللي يسمعج ماكانج مسويتها مرتين !


    بس على ما اعتقد انها ابرة الديكاببتيل بس بتركيز خفيف

    بس الغريبه يا اخواتي اني اخذتها البارحه واليوم نزلت علي الدورة

    كلمت الدكتور قال لي عادي

    بصراحه دكتور بركات كل شي عنده عااااااااااااااادي


    وقال لي بعد اسبوع بيشوفني وبيعمل لي سونار واذا الوضع تمام بنبدأ على بركة الله



    اختي العالم الله

    مشكوره على دعمك وتشجيعك ورفعك لروحنا المعنويه

    والله يفرح قلبك وتكون النتيجه حااااااااااااااااااااااااااااااامل

    يارب نبدأ السنه الجديدة واحنا حوامل :26:
  2. @hla_albhryn

    صاحبة الموضوع
    خواتي

    باجر عندي موعد علشان اخذ اول ابرة تنشيط

    لي افكر في الموضوع احس قلبي بيوقف من الخوف

    الله المستعان .. دعواتكم يا اخوات
  3. @bs_a

    هلا حبايبي

    انا بعملها عند الدكتور احمد بركات
    اطفال الانابيب وطلبت منه تقرير للعملية
    وكان كاتب فيه انا نحتاج عملية تلقيح مجهري واتصلت العيادة وقلت ليهم الدكتور قال لنا اطفال الانابيب والتقرير مكتوب فيه تلقيج مجهري قالوا لي هذي هي نفسها العملية قلت توكلنا على الله
    وكاتب تكلفتها 2000 دينار بكل التجهيزات يعني الابر والمنشطات وغيره

    بس عملية الي تسويها الزوجه يكون سعرها 800
    والي بيسويها الزوج وهي اخذ خزعه من الخصية سعرها 300

    يعني يصير المجموع 2000 دينار بكل شي العمليات والابر والمنشطات وغيره

    وهذي كل التفاصيل نقلتها لكم
    وادعوا لي لما اسويها يوفقني ربي ان شاء الله
    ويوفق الجميع وكلنا نصير حوامل 2010 يا رب يا رب يا رب ياكريم يا رحيم ويا رحمن انت القادر على كل شي

تابعي تجارب أخرى من هذا القسم.