الأماكن الحلوة والسياحية في الكويت / تم دمج مواضيع الاستفسارات

السلام عليكم
بشريناييتي الكويت؟؟ :)

مشكورين جميعا على تفاعلكم
وللحين ماكتب ربي ازور الكويت ان شاء الله قريب لان ردودكم حمستني ازورها

وايد استغربت من هالجمله !! خير ان شاء الله الكويت ما تصلح للعوائل المحافظه؟

شنو مفهموج انتي للمحافظه؟؟الحمدلله ديرتنا مافيها خمور ولا ديسكوات ولا نوادي ليليه ولا لحم خنزير

ولاشي من هذا كله

الحمدلله ديرتنا ديره خير ودين والكويتين من عمر الدنيا معروفين بالخير والطيب والدين

والمساجد عندنا منتشره بكل الأسواق وبكل شارع

واذا تقصدين على الإختلاط بالمطاعم والأسواق عادي كل واحد يقعد بطاولته باحترامه لا احد يغلط عليه ولا شي الواحد

يبي يرفهه عن نفسه مو طالع ورايح المطعم علشان يكتمون عليه بهالحواجر يقعد بالبيت وايد احسن

واذا على اللبس معروفين الكويتيات بالذوق والكشخه وهالشي مشهورين فيه بعد ومع هذا كشختهم باحتشام

والغالبيه عندنا متحجبات ووايد منا يلبسون عبابات ومنقبات بس هالشي نلبسه بكامل ارادتنا وحريتنا واقتناعنا

مو مغصووووبين ولا مجبروووين الحمدلله اتمنى اكون جاوبتج علشان تعرفين الكويت دوله محافظه ومسلمه ومالاداعي هالكلام

حبيبتي الكويت فيها وايد اماكن سياحيه بس يمكن انتو ما تعرفونها او ما زرتوووووها

مدينه الترفيهيه/حديقه الشعب/المركز العلمي/الأكوابارك/حولي بارك/مرح لاند/السينما عندنا بكل المجمعات والصالات متنوعه

في صالات Vipصالات مريحه وخاصه وفيه صالات عاديه بعد مريحه وتونس

مسرحيات وهالشي مشهورين فيه بالخليج/متحف شهداء القرين وفيه احاث اعظم ملحمه بطوليه سجلوها ابناء الوطن

بيت الكويت الكويت للأعمال الوطنيه/قريه يوم البحار/نوادي لليخوت وتقدين تاخذين يخت او طراد وتطلعين برحله بحريه

جزيره فيلكا/صالة التزلج على الجليد وفيه اماكن وايد بس هذا اللي تذكرته الحين وكتبت ابرز الأماكن بس


والمنتجعات عندنا عجيبه ومتنوعه وتلقينها بكل مكان منتجع صحاري/منتجع هيلتون المنقف/منتجع النخيل/شاليهات

الخيران وهذي وايد حلوه وتقدرون تروحون يوم واحد وتدفعون تامين بس مو شرط تاجرون شاليه صج وايد
وايد راح تستانسون خاصه اذا الجو كان حلو/شاليهات خليف/شاليهات الوطنيه/منجع سيشل/منجع المنشر


المعارض النسائيه واللي تتميز بالبضائع اللي تكون من انتاج وشغل الكويتيات وهذي يكون عليها وايد طلب وتنافس

معرض بيت ديفا ويمه معرض كريزما

معرض بيت شرق

معرض لوذان

معرض بيوت بهبهاني

معرض بيت بدره

ووايد وايد معارض طووول السنه وتختلف اماكن العرض بس صراحه شي راقي وحلو لأن القطعه بالغالب تكون مميزه وما تتكرر
لسواق والمطاعم وغ
حبيبتي انه ذكرت بعض الأماكن مو كلها لأنها ماشالله وايد وطبعا ماذكرت المجمعات والأسواق اللي ما تعند عندنا

لأن انتي عارفتها ولا المطاعم والكيفهات وغيره

حبيت اسأل عن اسعار الفنادق والشقق .. هل هي تزيد اسعارها بشهر فبراير؟؟
وبسأل بعد عن المسرحيات متى تعرض غير اوقات العيد ؟؟