اجمل رحلة في حيااااااااااااتي

السلام عليكم ورحمة الله وبركاته

بفضل ونعمة من الله كتبني الله من حجاج هذا العام وبصراحة الحج قمة في الروووووووووووووووعة

والله اجمل رحلة في حياتي كلها

سافرت كذا مرة ولكذا دولة بس ماحسيت بالسعادة والراحة التي حسيت بيها في الحج

الرحلة الوحيدة التي تجتمع فيها السعادة والصحبة الصالحة وراحة البال والاجر وغفران الذنوب

والحمد لله ربنا من علينا بصحبة راااااائعة وداعيات اروع
اسأل الله انه يجمعنا معاهم في الجنة
وجو المخيم كله كان يفكرني بحديث الرسول صلى الله عليه وسلم
( مثل المؤمنين في توادهم وتراحمهم كمثل الجسد الواحد، إذا اشتكى منه عضو تداعى له سائر الجسد بالسهر والحمى )

بصرااااااااحة رحلة الحج اكثر من راااائعة ومهما اتكلمت محأوفيها حقها

ومحتتخيلوا روعتها غير لما تحجوا بنفسكم وتدوقوا طعم الحج

حبيت انقل لكم تفاصيل رحلتي كاملة

اسأل الله انه يكتب لكم حج بيته و يتقبل من الجميع

.......................................................................

يوم 7 ذو الحجة احرمنا من ميقات المدينة المنورة واتجهنا الى مكة

اول مادخلت مكة شفت الكعبة محرمة كنت حأبكي

أول مرة أشوفها محرمة عالطبيعة دايما في التلفزيون

منظرها جدا راااااااااااااااااائع قمة في الهيبة والخشوع



طفنا بحمد الله وعونه طواف القدوم واتجهنا الى المسعى كان مرررة زحمة
طلعنا الدور التاني سعينا

اخدنا في الطواف والسعي تقريبا ساعتين
وبعد ماخلصنا رحنا على منى
اول ماشفت منظرها وهيا مليانة خيام
صابني نفس الشعورلما شفت الكعبة محرمة
عيني حشرجت بالدموع وارتفع صوتي بحمد الله انه بلغني وجيت الحج




بعدين اتجهنا لمخيم حملتنا

هذا مدخله من جوا طبعا ماقدرت اصوره من برا عشان الرجال



وهذا الممر



وعلى اليمين واليسار الخيم

كانوا مقسمين كل مدينة لوحدها

هذه خيمتنا من بره





وهذه صورتها من جوا بس مالحقتها وهيا مرتبة

صورتها اخر يوم



هذه الكنبات

لكل حجة كنبة ووقت النوم نفتحها وتسير مرتبة مرتفعة عن الارض كثير والحمد لله جدا مريحة






والخيم مكيفة
التكيف صحراوي ومقسم
صورة المكيف خارج الخيمة


وداخلها

42 تعليق 3,120 مشاهدة

شاركي في النقاش

سجلي الدخول لإضافة تعليق.

التعليقات

40
  1. @ampaorkydaamp

    صاحبة الموضوع
    وصلت المخيم الساعة 6 الفجر ودخلت خيمة المدينة لقيت كثير نايمين والحمد لله لحقت مرتبتين ليا ولبنتي
    طبعا الحملة يعطوا كل حاج لحاف جديد مع الشرشف وبيت المخدة

    حطيت اغراضي ورحت المصلى صليت الفجر

    هذا المصلى وهوا مكان الندوات والدروس

    اللي بجد تركت اثر كبيرررررر في حياتي

    والحمد لله مرررة استفدت منها

    اسأل الله انه يرزقنا العلم النافع والعمل به





    نمت وعايرت المنبه عالساعة 2 عشان صلة الظها احسب نفسي حأنام وتروح عليا الصلاة

    خخخخخخخخخخخخخخ

    صحيت الساعة 12 تقريبا وسمعت اذان الظهر قمت اتوضيت وصلينا جماعة في المصلى

    هذه المغاسل



    وهذه الحمامات




    وهنا الصورة قريبة من جوا



    يوم 8 اللي هوا يوم التروية قضيناه كله في المخيم بين ندوات ودورات ودروس وكانوا مركزين على فضل يوم عرفة واهمية الدعاء فيه

    طبعا الوجبات كانت بوفيه مفتوح فطور وغذا وعشاء

    هذا البوفيه






    وهنا الفواكه والعيش



    وفي جهة فيها سخانات كمان بس ماصورتها

    وهذه الصحون اللي ناكل فيها



    وهنا ماكينة القهوة والموية الحارة

  2. @ampaorkydaamp

    صاحبة الموضوع
    و6 ثلاجات فيها كل انواع العصيرات وموية 24 ساعة تحت امرك تاخدي اللي تبغيه




    وفي يوم التروية بين الغذاء والعشاء وزعوا علينا فطاير وكرواسان



    ووزعوا على كل حاج شنطة عليها اسم الحملة وفيها كوب وراديوا وساعة وقلم وادوات قص الاظافر

    واساور عليها اسم الحملة وتعليقة لكل حاج عليها اسمه ورقم الحملة

    نمت الساعة 8 مااستنيت العشاء كنت مررررة تعبانة

    الساعة 4 الفجر فتحوا الانوار وصحونا عشان نتجهز لعرفة

    اتوضيت وصليت وجهزت اغراضي

    قالولنا كل واحدة تاخد معاها لحافها عشان نبات في مزدلفة

    واحنا طالعين الباصات وزعوا علينا وجبات الفطور

    مشينا من منى تقريبا الساعة 6 وصلنا عرفة الساعة 8 ونص

    هذه صورة المخيم من برى



    ومن جوا




    طبعا يوم عرفة كان يوم رااااااااااااائع كله دعاء وتضرع

    قبل الظهر الداعية اعطتنا درس سريع على فضل الدعاء اليوم وقالتلنا من بعد صلاة الظهر للمغرب لاتكلموا احد ولاتسووا ولاشي غير الدعا لانه مررررررررررة مستجاب وفضله مرة كبير

    صلينا الظهر والعصر قصر وجمع باذان واحد واقامتين

    والساعة 2 تقريبا جابوا الغدا

    كان عبارة عن رز ولحم كل 3 اشخاص في تبسي



    الساعة 4 ونص قالولنا لازم تطلعوا الباصات عشان نرتب السير واول مايأذن المغرب ننطلق على مزدلفة عشان قبل الزحمة

    طلعت الباص وانا بأبكي مررررررة كنت زعلانة اننا حنضيع ساعتين من عرفة في الباص بس الحمد لله حاولنا استغلالها واحنا في الباص

    الساعة 7ونص انطلقنا من عرفة و8 ونص ماشاء الله وصلنا مزدلفة

    كانت ليلة مزدلفة ليلة رااااااااااااااااااااائعة نزل علينا ضحك غير طبيعي انا والبنات اللي معايا

    الباصات حوطونا وحطوا مفارش بين الباصات ووزعوا علينا وجبات وكل واحدة معاها لحافها عشان تنام عليه وكان الوضع غريب نفسنا ننام ومانا قادرين بس في الاخير الحمدلله نمنا مع انه النومة كانت جدااااا غريبة بس والله حلوة

    وصحيت الساعة 2 لقيت البنات صاحيين احسب يالله منى

    قالولي لسة الفجر كملت نوم وصحيت على صوت صلاة الفجر

    صلينا الفجر وطلعنا الباصات نممممممممممت في الباص الين وصلنا منى

    وصلنا منى الساعة 7ونص

    قعدنا شوية في منى بعدين رحنا انا وزوجي وبنتي نرجم جمرة العقبة

    طريق الجمرات كان راااااااائع كله حجاج ورافعين صوتهم بالتلبية



    هذا جسر الجمرات من برة



    ومن جوا



    وهذه جمرة العقبة رجمناها 7 مرات



    وبعدين خرجنا ندور حلاق عشان زوجي يحلق ويفك الاحرام

    زحمة مررررررررة عند الحلاق شوفوا الصورة السرى الين فين ؟؟



    حلق زوجي والحمد لله ورجعنا خيمتنا اتروشنا واتحللنا من الاحرام وبدأ حفل العيد في المخيم

    كان مرررة حلو العاب وبرامج ومسابقات وهدايا
  3. @ampaorkydaamp

    صاحبة الموضوع
    ثاني يوم العيد صحينا بدري وجلسنا في المخيم كان الجو رااااااااااائع ومخيمنا كان عالي المنظر منه مررررررة حلو تشوفي منى كلها









    وفي العصر رحنا الجمرات عشان نرجم الشياطين

    رجمنا اول شي الصغرى



    والسنة بعد ماترجميها توقفي تدعي وبعدين ترجمي الوسطى

    هذه الجمرة الوسطى كمان تدعي بعدها



    وهذه الكبرى مافي دعاء بعدها



    رجعنا المخيم وكان فيه دروس وبعد العشاء اتعشينا وكنت نعساانة من الساعة 10 ابغى انام
    بس البنات في الخيمة مايبغونا ننام يقولولي لاحقة عالنوم الايام الحلوة دي ماتتعوض
    ومانمت غير الساعة 2

    ثالث يوم العيد اللي هوا يوم التعجل

    كانت الشوارع مرررررررة زحمة

    شوفوا صورة الشارع كيف



    في ناس معانا في الحملة اتعجلوا والداعية اللي معانا اعطتنا درس اخير قالتلنا هدية الوداع

    بعد العشاء رحنا رجمنا الشياطين الثلاثة تاني ورجعنا

    نمت الساعة 12 وصحيت الصباح بدري

    خرجنا انا وبنتي وصاحباتنا اللي اتعرفنا عليهم هناك اتمشينا برى واشترينا هدايا الحج للاهل والاقارب

    ورجعنا المخيم قفلنا شنطنا وخرجنا علطول رحنا الجمرات رجمنا ونزلنا على مكة عشان طواف الوداع وطبعا الافاضة معاه لاننا ماطفناها

    وصلنا مكة وقت صلاة الظهر وكانوا مقفلين الطواف قعدنا برة وقت الصلاة



    وبعدين خلاااااااص طواف الوداع وانتهت احلى رحلة في حيااااااااااااااااااااااااااتي كلها

    ياااااااارب يكتبلي احج تاني وتاني ويكتب اللي ماحجوا يحجوا ويتقبل من الجميع يااااااااااااااااااااارب

    :26:
  4. @zy_alnas

    ما شاءالله متعتينا بالصور الحلوه وشوقتيني للحج
    الله يتقبل منا ومنكم الحج والمسلمين اجمعين

تابعي تجارب أخرى من هذا القسم.