صبااااح الورد
ندووش
قصدك الي بالكيبورد >>>تراني مانمت زين والفهم على قدي هع
عالعموم باكتبها
نبدء على بركة الله من رقم واحد اوكي
1 >>!
2>>@
3 >>#
4 >>$
5 >>%
6 >>^
7 >>&
وش اخبارك ياعسل ؟؟
اقول حبيبتي مو انتي قلتي لي ان ماعندك سبب لمنع الحمل لا انتي ولا زوجك ؟؟
طيب وش ناويه تسوين ؟؟ سألتك لاني مثلك وبأقولك وش يقولون هنا ببريطانيا الله يغنينا عنهم ياااااااااااااااااااارب
مناوي
ماتشوفين شر ان شاء الله
حبيبات قلبي بأستشيركم بشي فوالله اني بهم مايعلمه الا الله واني اكرررره غربتي بشكل مو طبيعي لان فيه اشياء كثيييييييره اتمنى اسويها اذا كنت بالسعوديه لكن مايسعفني الوقت او لازم شي يخرب علي ..
الزبده
بعد سنه من المراجعات بالمستشفيات والتحاليل الي ماتطلع نتايجها الا عقب شهوووور
طلع عندنا عقم مجهووول يعني مو مشكله ضعف والا هرمون يتعدل واحمل لالا :( ماله سبب يااااااااااربي فرج همي .. ادري بتقولون احمدي ربك بس اقولكم استغفر الله تمنيت ان فيني شي اتعالج منه ولا المانع الخفي الي ممكن يطول سنييييييييييييييين وماينعرف له حل وحتى احتمالات الحمل الصناعي والمجهري (الانابيب) نسبتها قليله ولكن رحمة ربي اعظم
قبل امس حسيت بحزن العالم كله بصدري احس اني وين ماروح مسدوده بوجهي او كذا الشيطان يوسوس لي
الدكتور قبل اسبوعين ناظر باوراقنا وقال لنا بالحرف الواحد مالكم الا اطفال انابيب مدام اني لسى صغيره يقول لاتفوتون الفرصه دخلتم السنه الرابعه وانتم مافيكم الا العافيه يعني نسبة احتمال الحمل الطبيعي قلييله ..
قلت له طيب الصناعي ((ماااااااااابي انابيب)) قال لي NO بالعربي لاااااااا احتمالية نجاحه بالنسبه لكم بسيييييطه وبس خساير عالفاضي قلت كم يعني قال مبلغ كبير 7000 وفوق ياربيييييييييه وانا بغيت اغامر قلت له وفيني غصه والانابيب قال بخاص توصل 21 الف اما بالحكومي يبيلك تنتظرين سنين مو اقل من 3 سنوات ..
ماكنت اتخيل بيوم من الايام اني باوصل انه يحددون لي انابيب ... نفسيتي عددددددددددددم
طبعا اتوقع بما انه عقم مجهول او غير مفسر ((لو يقرأ زوجي كلمة عقم صفقني بغى يغولني يوم قلت له عندنل عقم مجهول :eek:))
اتوقع انه عين .. حسد .. الله العالم فيني او في زوجي مادري
كنت ابي اروح لشيخ يقرا علي يوم كنت عند اهلي والله يابنات انها تتسكر بوجهي كل يوم وانا واقفه على راس ابوي لكن سبحان الله ينشغل وتتكنسل الروحه بعدين كلم ابوي واحد يبي رقم شيخ حسبي الله عليه ونعم الوكيل كررررررررررهته لانه من الناس الي مايحبون روحة الشيوخ وخرب علي قال انصحك خلها تقرا على روحها وبلا خرابيط ووووو المهم اقتنع الوالد وحاول يكسل علي بشتى الطرق لين تضايقت وعصصصبت وقلت شكرا مابي شي :angry2:
للمعلوميه اني جلست شهر او اكثر عالزيت المقري والعسل المقري وسورة البقره وموية زمزم وانتشرت وقتها فيني حبوب بصدري ويدي ووجهي واسهال وانتم بالكرامه لاني احط الزيت المقري عالسلطه وتوني من اسبوع ونص اهملت شوي ولكن يوميا اشرب موية مقري فيها ..يعني لاتحسبوني ماعالجت نفسي بنفسي ومو اول مره قد جلست قبل سنه فتره طويله عالبقره والرقيه وماكتب ربي... الحمدلله على كل حال
احاسيس متلخبطه يابنات فيني .. حيره ..خوف من المستقبل .. قلق .. تعب نفسي ..غربه .. وحده ..
احيان اقول لو اني بالرياض كان رحت انا ورجلي لمشايخ كان سوينا تلقيح صناعي لانه ارخص كان وكان وكان استغفر الله .. بنات وسوست من جد بين اربع جدران ورجلي مشغوووول ماشوفه الا ساعتين بالكثير وبررررد هنا وتغرب عندنا من الساعه 3 تخيلوا الكابه طول الوقت ليل ..
وش رايكم ؟؟
*_* تجـمــع التـفــاؤل والأمـــل لشــهــر " ذي الـــحجـــــــه "_ " 12 "
متابعة النقاش، صفحة 121