احذروا يااهل شرق الرياض

السلام عليكم لا يخفى على الجميع ماحصل من فاجعه في جده رحم الله موتاهم وشفى الله مرضاهم والبارح وانا اتسمع لمقابله في الراديو مع مهندس في البلديه عن تصريف السيول في الرياض ذكر ان الرياض يمر بها واديين هما وادي حنيفه وهذا معروفه مجاريه وماعليه بنيان سكني وقال المشكله في وادي السلي شرق الرياض وذكر انه الى الان لم تنشاء له مجاري تصريف للسيول حتى ان المذيع سأله وقال مازال بدون تصريف ؟ورد عليه المهندس نعم حنا سوينا التخطيط وننتظر الدعم المادي ويبلغ 2000مليون ريال وخلصت المقابله يعني الان صارت ارواح الناس عند المسؤلين برخص التراب جالسين ينتظرون لو انها حفل او مناسبه فيها توسيعة صدر لهم مشى الموضوع باسرع مايمكن الله ينتقم من كل متساهل في عمله واعذروني يااخوات شرق الرياض مابي اخوفكم ولكن هذا واقع وحبيت انقله للفائده