توست اصابع محشية بالدجاج " زوجي الي ما يحب ياكل اي شئ اكلها :)

سلام يا بناااااات ..

جبتلكم اصابع توست محشية بالدجاج بس ايه .. شئ خرافة :)
انا زوجي الي ما يحب ياكل اي شئ و متعبني في اكله اكلها :)

المقادير: -
صدور دجاج " الكمية الي تبوها بس الصدر الواحد تعمل تقريبا خمسة حبات لأني عملت صدرين و عملتلي 10 حبات

جزر مبشور " للصدر الواحد جزرة وحده "

ملح-فلفل اسود - كمون- شوية بهار حلو - شوية قرفة
حبة بصلة مبشور ناعم للصدرين

زبدة
---------
الطريقة :-
1- سيحي الزبدة في الطاوة و حطي البصل الين يصفر تقريبا
2- حطي الجزر المبشور و قلبي شوية
3- ارمي الدجاج علية و قلبي شوية و اول ما يبدأ يستوي حطي البهارات علية
4- و لمن يستوي حطي معاه ملعقة مايونيز
4- افردي عيش التوست بعد ما تكوني شلتي الاطراف و افرديها بالفرادة حقت العجينة
6- بظهر ملعقة الاكل امسحي مسحه خفيفة من المايونيز على التوست
7- حطي الحشوة حقت الدجاج على اطراف التوست الكمية الي تبغيها
8- لفي التوست مظبوط و حطيها في صينية و ادهنيها بزبدة و حطيها في الفرن من فوق عشان تحمر ..

انا عملت جنبها بطاطس مهروسة و ذرة
و بالعافية :)

21 تعليق 3,335 مشاهدة

شاركي في النقاش

سجلي الدخول لإضافة تعليق.

التعليقات

21