ساعدوني يامغتربات اخوي معاق وابي ترجمه

الله يجزاكن كل خيررررررررر

وربي يجعله بميزان حسناتكن

الله يشفيه ويقوم بالسلامه
حبيبتي زي ما قالوا البنات الموقع مافيه شي
بس لو تقدرون تروحون لدوله التشيك أو تجيبون أمر علاج فيها
لانهم شاطرين في العلاج الطبيعي و رخيصين
واحد من قرايبنا كان ظهره يعوره واغلب الوقت نايم بالسرير راح وتعالج وما شاء الله تحسن كثيييير
وواحد من زملائي السعوديين يقول أنه زميله فجأه تعب وصار مايقدر يمشي ولا يتحرك راح للتشيك وماشاء الله رجع يمشي

عزيزتي الاجهزة تختلف باختلاف نوعية الاعاقة والاجسام والحجم وغيره
فما اظن انك ممكن تشترينه اون لاين وينشحن .. اظن الطبيب لازم يشوف الولد ويحدد اي جهاز انفع له

لو تشوفين دكتور شاطر في السعودية استشيريه وخذي رايه

بس اذا تقدرون عالسفر تعالوا امريكا فيها احسن المستشفيات وافضل الاجهزة بهالمجال


الله يشفيه

هلا والله وغلا اختي

اول شي الله يشفي اخوك ويشفى كل مرضى المسلمين

شفت الموقع مالي في اللغه الانجليزيه للامانه لكن فهمت فكرة الجهاز الجهاز انواع شي الكتروني وكهربائي بحيث هو يتحرك مثل السير الكهربائي بسرعه وبجهد معين

والنوع الثاني يعتمد على الشخص نفسه هو اللي يحرك الجهاز

ميزة الجهاز في كل الحالات ان الشخص وهو جالس في كرسيه اذا كان مقعد تماما ويتركب على كرسيه وقت مايحب يتمرن ويقوي عضلاته

عبال ما تعرضي الجهاز على دكتوره وتسالي وتشوفي

انصحك بنفس الفكره اذا اخوك يقدر يحرك عضلاته بس على خفيف

روحي محلات الرياضه واشتري السيكل لانه نفس الفكره بس ان هذا يتقرب من كرسي المصاب والسيكل لا الشخص بيطلع عليه

المهم يا اختي اسئلي اذا فيه سيكل كهربائي اشتريه او اذا اخوك يقدر يحرك رجوله على ضعيف جيبي له العادي بالنسبه للمقعده ممكن انك تحطين خدديه اي شي تخلي مسئلة الجلوس سهل ومريح له

الشي الثاني خليه يتمرن على السيكل وبعد شهر شهرين وحسيتي انه انتفع خذي الثقالات اللي تنحط على الرجل اذا مره شايفتها ثقيله بامكانك انتي تسوينها على قد اخوك خذي كيس بلاستك وحطي مقدار فنجال شاهي رمل ناعم بعدين قفلي الكيس زين وفصلي زي الربطه تكون مفتوحه مثل الجيب حطي فيها كيس الرمل وحطيها على رجل اخوك الثنتين وخليه يتمرن كمان شهر شهرين وكل شهرين زيدي كمية الرمل بمقدار فنجال ثاني لكل طرف مره في مره راح يتحسن الين يقدر يوقف على نفسه بعدها ابدئي معاه بالسير الكهربائي وهو واقف وباذن الله راح يشتد عضله

الاهم الاهم انه لو احد وصاك على الحلبه انها كويسه فلا تعطيه لان الحلبه ميزتها ترخي العضلات فابتعدي عن الحلبه تماما


حطيت الفكره اللي جات في راسي لانه ممكن تتاخر عليك الامور وممكن تكون كلفته غاليه جدا فيكون فيه بديل

ايضا لو بدئتي من الان افضل من الانتظار

والله يوفقك يارب وتبشريني عن اخوك بتحسن حالته ياكريم

هلا اخت مشاعل انا اختك متواجدة حاليا بأمريكا

عطني بالضبط المعلومات الي تحتاجينها

وانا باذن الله بساعدك وبفيدك بالموضوع

الله يشفي اخوك

ان شاء الله ويقومه بالسلامة