هو حرام الايجابيه بها القسم؟؟

مرحبا بنوتات
كل عام وانتم بخير
بصراحه انا داخله ومعصبه لا ومطرطعه بعد ويطلع من راسي دخان:angry2:

لاتقولون ليش؟؟ جايتكم بالهرج

هالحين كل حركاتكم هذي خوف من العين؟؟؟
ليش وش فايدة الاذكار اجل؟؟
ولا لفت انتباه ؟؟
بصراحه مدري انتم تعشقون الحزن ولاهو يعشقكم
قسم بالله حسستوني اني بعالم ثاني غير عالمكم...
صح عندي مشاكل ووالله العظيم كان عندي مشاكل لو اكتبها لتبكون على حالي من هنا لبكره بس اللهم لك الحمد حتى ترضى
بس مو معناته احس ان العالم انتهى وماعدت اسوى شي وان مالي بهالدنيا احد....قسم بالله اقرا المشاكل واحس ان صاحبتها ممكن تنتحر من كثر ماهي مكبره السالفه...
قسم بالله الوضع ماعاد يحتمل...شلت قشي ورحت للمجلس العام الا والاقيه اردى واردى صرت اروح لقسم الحاسب واطلع مباشره ولا امر على اي قسم ثاني بس والله حتى قسم الحاسب ماسلم..خايفه يصكني اكتئاب من كثر الهم...
المـهـــم
هالحين كل مانفتح موضوع ايجابي قلبتوه تهزيء وشتايم لين ينقفل...ليش؟؟؟:(

هالحين وحده حبت تغير روتين هالقسم وتطرح موضوع ايجابي عن اخر هديه قدمها الزوج قمتم قلبتوه نكد (اخر هديه كف على وجهي)انا ماتشمت والله بس والله فينا من الهموم اللي مكفينا وحبينا نسلي نفسنا شوي مو لازم في كل مناسبه ننكد على انفسنا هالحين بعضنا لها 3 او 6 او 10 او15 او20 سنه معقوله طواااااااااااااااااااااال هالمده ماقدم لك هديه؟؟؟؟لو بطاطس ليز!!!!

وحده ثانيه طرحت موضوع ايجابي عن ليله رومانسيه قلبتوه شتايم وهذي حركات بزران وهذي حركات مراهقين والرجال فيهم وفيهم ومايستاهلون ومادري وشو بعد

ليش الحين اذا جت ذكرى زواجك او ترقيه او او اي مناسبه ثانيه ماتسوين ليله رومانسيه ؟؟؟اجل وشو له تقولين حركات بزران وتتريقين؟؟

اما لو تجي وحده وتقول اني ماسويتها من تزوجت:o





وحده ثانيه قالت تضحيات زوجك قمتم تتريقون وتستهبلون (يضحي بي ويضحي بالخروف ومادري وش) ليش كل واحد منا زوجها يضحي واتحدى وحده منكم تكذبني!!!
هالحين دوام زوجك بالساعات وبعضنا في اماكن خطيره جدا ممكن بلحظه يروح بشربة مويه(العسكري-اللي بالمصانع الكيميائيه-الطيارين)وغيرهم وكل فيه خير وبركه بس انا ذكرت هالثلاثه كمثال بس...
دوامه بالساعات واحيان بالايام موتضحيه براحته؟؟؟
كان يقدر يكبر الوساده وينام بس كله عشان يوفر لكم وتكونين انتي واولادك افضل من غيرك

لا وكله كوووووووم واللي تقول عبادة الرجل:eek: يرحم امك لاعاد تقولينها



يابنات الزواج حب وحنان وموده وألفه مو ضارب ومضروب :22:وغالب ومغلوب وتغدي به قبل لايتعشى بك
بنات الحين لو تطالعين القمر ماراح تشوفين الجزء المظلم واحيانا ماتشوفينه وتحسين ان مافيه جزء مظلم ماراح تشوفين غير النور
طالعي الحياه بايجابيه .. عيشي وانت حاسه ان الدنيا حلوه...
عمرك ماراح تشوفينها حلوه وانتي حاسه انك اكثر وحده بالدنيا عندها هموم.. واكثر البنات اللي حظها طايح...

انتي بالاول حبي نفسك وحسسي نفسك بان الدنيا حلوه(محد بيعطيك شي بالغصب)
كيف تبين زوجك يحبك وانتي نفسك مو حابه نفسك
شايفه نفسك اسواء وحده بالحظ وبالشكل ومالك لزمه بالحياه وان زوجك زايغه عينه وان عندك مس وفلانه ساحرتك وذولاك صكوك بعين في عرس اخوك وان اخت تغار من انك موظفه وهي ماتدري بمشاكلك في ذا الهم وان جارتك حاسدتك على طيبة زوجك وهي ماتدري ان عينه زايغه ووووو....الخ
شايفه كل هالهموم انها عند وحدك ان محد بهالعالم عنده مشاكل غيرك...مثل ماختك وجارتك ماتدري عن مشاكلك انتي بعد ماتدرين وش مشكلتها
بصراحه مادري وش اقول وش اخلي بس اشلون بيعطي زوجك حنان وحب وهو مو ماخذه من الاساس(خاصه السعوديين لان اللبنانيين والسوريين شبعانين حب ورومانسيه فبدت تطفر من اذانيهم وصار رومانسيين)<<<ومن اليوم لحد يقول ليش السعودي مو رومانسي(فاقد الشي لايعطيه)
صبحي على نفسك ومسي عليها بالمرايه قولي لنفسك كلام ايجابي(انا احلى وحده مثلا)بصوت عالي
كلمه دايم اقولها لنفسي وارددها ليل نهار رفعت معنوياتي كثير خاصه اذا خلصت شغلي او سويت اكله جديده(والله اني فخوره بنفسي)لا واقولها بصوت عالي ولا استحي من احد حسسي نفسك بالانجاز
ليش تستنين ان امك او ابوك او زوجك او اخوك يرفع معنوياتك بينما انتي تقدرين
وربي اني ما اوسوس لكن هذي دراسه قريتها وطبقتها على نفسي وحسستني بني انسانه تستاهل تعيش بسعاده
وممكن تكتبينها بورقه حتى وتعلقينها وتكتبين انجازاتك اليوميه مهما كانت بسيطه بتلاحظين بسعاده حتى لو كانت لثواني


عالعموم انا داريه ان موضوعي ذا بيصير فيه اكشن واجد وبيطير عالمحذوف بس السالفه ومافيها اني منقهره من السلبيه اللي عايشينها وحبيت افضفض<<حالي حالكم:42:
عالعموم اقبل الحوار مع اي رأي بس اهم شي لاتجي وحده وتقول لي عباده زوج فتصير حرب عالميه اخيره:30:


فمان الله حبيباتي