تطنش؟!!
يابنات في احد يقدر يطنش نفسه؟! الزوج هو حياة الزوجه فكيف تطنشه وتهمش حياتها؟!
اختي عديل الروح
اسعد الله كل اوقاتك بكل محبه
مشكلتك تقريبا بكل بيت لكن عمر ماكان التطنيش حل لها وبالذات عندنا نحن الحريم يمكن الرجال لانهم يملون من تكرير نفس الكلام فيطنشون اما الحرمه تلقيها تكرر مشكله صار لها عشرين سنه عادي عندها وانتي قلتيها بروحك زوجي ان طنشته مليون سنه عنده عادي بيطنش "بيقول فكه منها زين انها سكتت"
اختي الي ملاحظته انه زوجك قاطع كل سبل الحوار بينكم واكيد فيه سبب منك انك انتي شوفي شو الي يطلبه منك زوجك دايم وانتي مطنشته وصدقيني بتعرفي شو الي مخلي زوجك فضل السكوت على الكلام...
فيه ازواج يحبون نظام معين بحياتهم فظل فتره من الزمن يكلم الزوجه يافلانه اعملي كذا وكذا فتحصلها هي تسوي الي هي تبيه وتتجاهل طلبه فتكون ردة فعله بالمثل يسويه الي هو يبي ويتجاهل طلبها ...
وفيه منهم يبيعون الاول والتالي ويقولون يالله يافكاك وفيه بعضهم يفضلون الصمت لانهم تكلموا ولا سكتوا يشوفون انه نفس الشئ لانه ماراح يصير الي يبونه ...اتمنى كلامي يكون واضح وفاهمه شو الي اقصده :) ومااوصيك بالتسبيح واهميته في حياتك بالتسبيح تتعطر الانفاس وبه تزين الحياه وبه تتحول السيئات الي مكدره حياتنا لحسنات ...
الله يهديك ويهديه لك
دمتي بخير
زهقانه يا ناس
متابعة النقاش، صفحة 9