خالتي .........وما تفعل والله احراج

خالتي عمرها تقريبا 45 تعمل في التعليم ...ومبسوطة ماديا ..السالفة ومافيه انها كل ما شافت شئ عند اي وحده وعجبها ..تقلها من وين وتروح تشتري منه ...مثلا لو بلوزة على وحدة عجبتها تروح تسالها المحل وينه وتقول راح اشتريها ...والناس اللوان الاحراج ...وحده بالزواج عليها فستان من اقاربنا سالتها من وين وبكم ولما قالت لها قالت خلاص باعطيك فلوس وجيبي لي اربعه منه الوان مختلفة ؟؟؟؟؟؟؟؟؟؟؟؟
واذا شافت ببيت احد شئ عجبها الا تاخذ مثله فرش كنب لحاف ياناس !!!!!.
واحيانا تقول باشتري وما تشتري بس تفشل نفسها مع الناس .........احس احراج وبصراحة ما احب احد يتكلم فيها ويتضايق منها ..واذا لمحت لها قالت عادي عندي فلوسي باشتري اللي ابغاه ....
قولو لي ايش الحل

77 تعليق 6,751 مشاهدة

شاركي في النقاش

سجلي الدخول لإضافة تعليق.

التعليقات

73
  1. @ngdyh_balshrkyh

    انا اشوف انه عادي لا عجبها شي تشتريه مافيها شي دام عندها فلوسه

    مو احسن من انها تقول لهم عجبني عطيني اياه ولا اشتري لي منه
  2. @byadro

    يمكن هي ماعندها ذوق وماتعرف تختار فاذا شافت شئ ع الناس وحست انه حلو يصير ودها مثله
    هي صحيح هالعاده صعبه وشينه خاصة اذا صار الشخص دائما يسأل الناس عن اغراضهم مااقول غير الله يعينك
  3. @smraaa_halm

    والله يا اختي انت ادرى بشخصية خالتك.. يمكن هي حرمة قويه و جريئه وماعليها من احد..

    اذا كانت كذلك فاتركيها..

    ليه؟؟ لأنها واثقة الي تسويه صح.. هذا من جهه.. ومن جهة ثانية الناس ماراح يستنقصون منها شيء.. لأن شخصيتها قوية بينهم.. ويمكن يرضون بافعالها.. ايمانا بانها جزء من شخصيتها...

    اما ان كانت خالتك حرمة مو ذيك الجرأة و القوة..فانت قولي لها بينك وبينها ان الناس يمكن مايرتاحون ان احد يسأل عن اغراضهم..>> ان كنت متأكده ان الناس غير راضين عن سؤالها لهم...

    او قولي لها ان سالتي الناس عن كل شيء.. بتكونين قدامهم كأنك وحدة ما عندها ثقة في ذوقها..ما تشتري الا من ذوق الناس...

    ان شاء الله بتقتنع..



    والله يجزاك خير على حرصك على خالتك و هيبتها بين الحريم.. :)

تابعي تجارب أخرى من هذا القسم.