مرحبا صبايا أمريكا كيفكم ؟
انا أول مرة أنضم لكم و يالفرحتي لما أتخيل اني بكون وحدة منكم بحكم انه طلعتلي بعثه لأمريكا الحمدلله من المرحله الخامسة وللحين ماتحدد موعد سفرنا لكن لابد من الهواجيس والتفكير .. بس بسألكم بالله كيف الوضع بأمريكا ( مفكرين بولاية نورث كارولينا شارلوت إذا الله سهل) وكيف الغربه تصدقون بديت اتخوف مع اني صارلي سنين احلم بالسفر والدراسة بأمريكا بالذات لأني مولودة فيها و درست الابتدائي فيها و اعرفها ولايه ولايه و من العام و انا أحاول التقديم,,
المشكله ان حماتي موجودة بأمريكا لها ست شهور ( قدمت انا وياها سوا لكن ربي ماكتب تطلعلي البعثه العام) و الصراحه شوي كرهتني فيها لأنها مو عاجبها الغربه و متعلقه بأمها و اسكتوا حمولتي عايشين كآبه هالست شهور عشان فراقها هي وولدها الي سافر و عمره 40 يوم مع انهم يشوفونها كليوم بالكميرة و يشوفون ولدها لكن أحيانا ما الومهم هم بنتين و خالتي من نوع وحيدة و ماعندها احد فطبيعي تتعلق بهالبنت ... غير كذا دايم تسولف عن تعنت معاهد اللغه و انهم متقصدينها هي و زوجها وطايحين فيهم ترسيب مع انهم (على كلامهم) يحلون زين - ساكنة بنبراسكا- مدينة أوماها ..
المهم انا متخوفه من هالموضوع ولا ودي كلامهم و تجربتهم تاثر علي خصوصا ان زوجي زي اخته من نوع حنون و متعلق بأمه حكم انه الكبير ، و كذلك ناسي الدراسة لكن أنا طايحه اشجعه اننا ندرس و نطور مستقبلنا العلمي والوظيفي وهو إلى الآن متحمس مايندرى يجيه شي و يهون ..
وانا ما أابغى حلمي الي حلمته يكون كابوس و اصير ألعن اليوم الي سافرت فيه و تغربت أبي منكم تحببوني بامريكا و تبينولي ان الوضع أوكي و ماشي ، ما أبغى شي يأثر على دراستي والا يصيبني احباط ، وشرايكم بشارلوت؟ ووشرايكم تنصحوني أسكن مع حماتي وزوجها عشان نخفف الغربه عن بعض والا نسكن بالولاية الي نبغاها تدرون يمكن زوجي و زوج اخته مايتوافقون خصوصا ان كل واحد راسه أيبس من الثاني !!!
وهل فيه أحد ساكنه بشارلوت وهل هناك نوادي للسعوديين أو تجمعات ؟ و كيف مستوى المعيشة؟ حماتي عايشين حاله فقر مع انهم حرصوا على ولايه رخيصه لكن يصيحون من الغلا .. وكيف الأغذيه هل هناك بقالات عربيه وخلافها؟؟؟
أدري طولت عليكم و ثقلت لكن تحملوني هالتساؤلات ماليه راسي ومابي اخذ الجواب من مصدر واحد - حماتي - لأن اسلوبها الله يهديها اسلوب تنفير و يضيق الصدر، وأنا ماخذه طبع ابوي أحب السياحه و تجربه أشياء جديدة والتعرف على البلدان و ناوية أخلي هالسفرة تجربه ناجحة و مثيرة اتذكرها طول عمري ....
.....♥OoO♥ تجمع صبايا أمريكا .....♥OoO♥
متابعة النقاش، صفحة 84