استشاره يابنات المدينه

والله ياقمر ان فرحي باقي له 3 اسابيع

وشعري نفس شعر اختك

واستخدمت كل شي ولا فاد

الله يعين بس

اهلا وسهلا ببنات المدينة اهلي انا من المدينة لكن ساكنة في جدة شوفي الدكاترة مافي وراهم غير الكذب وصرف فلوس على الفاضي انت عارفة عندنا في المدينة مافي دكاترة مرة توب اذا في جدة ويادوب تلاقي احد عدل ويكتي لك روشة تطلعي من الصيدلية اقل شئ ب600 ريال اذا مو اكتر لانه ادوية الشعر غالية شوفي انا حااعطيك خلاصة تجاربي وتجارب المنتدى بالنسبة للتونكات اللي حلوة للشعر عندك الكامينو موتو حلو لتطويل الشعر وفي المسرع وفي المقوي انت روحي صيدلية واسالي عنه لكن في بنات حذروا منه وقالوا والعياذ بالله يجيب المرض الخبيث لكن كتير بنات استخدموه ومافي ضرر ان شاء الله ماخلوا شئ الا قالوا يجيب مرض وكمان في تونك السورسير بالتوم اعرف وحدة صاحبتي ماشاء الله نبت لها شعر صفير في غرتها وهي عروسة واستخدمته قبل ملكتها وترى مافي ريحة توم هذا كمان حلو وتلاقيه في الصيدلية وفي تونك ثالث اسمه توسكانا لتنبيت الشعر البنات هنا مدحوه لكن للامانة ماعرف احد استخدمه شخصيا وخليه تشرب حبوب فيتامين هير دال كتير بنات مدحوها هذا للادوية اما الاشياء الطبيعية عندك السدر واللبن الزبادي تجيبي الكمية اللي تكفي شعرها وتخلطي طيب الا ان يصير لون اللبن اخضر وتحطي على شعره 4 ساعات تحلف صاحبة الخلطة طلعت لاختها شعر جديد واهم شئ تهتم في اكله خليها تاكل لبن زبادي خضروات وان شاءالله مايجي فرحها الا وشعرها احلى شعر وتسوي احلى تسريحة وتطلع احلى عروسة وان شاء الله اكون افدتك وبرضه شوفي البنات يمكن احد يدلك على دكتور شاطر لكن حبيت اوفر وقتك وجهدك لانه الدكاترة الله يهديهم ماوراهم الا الخساير ع الفاضي