السلام عليكم ورحمه الله وبركاته
يا روح قلبى يا اسراء ما تزعليش ابدا بس الكل بقى محتار لاننا بقينا كتير ومش الكل بيدخل كل يوم وبعدين منا غبت اربع ايام وما حد سال انى غبت عنكم ليه ما زعلتش عارفه ليه لانى بحبكم اوى واللى يحب حد دايما يدور له على العزر خلاص صافى يا لبن يلا احكى لنا على شقوتك وسوالفك العسل دى
شكلمه
الف سلامه عليكى ما تشوفى شر ان شاء الله انا كمان يوم الخميس حصل معى نفس الشىء والسبب العشاء انا اكلت بس قطعه كيك وبستا فلور واعتقد ان المعده اتعوده على قله الاكل فى المساء وكمان على قله الدهون واللى حسيتى بيه ده كان غازات فى المعده تحسى ان فيه خناجر بتقطع فى قلبك وحد بيكتم نفسك لما يحصل كده مع اى حد يمشى شوى وياخد اى اعشاب تخرج الغازات
الغاليه صيد الخاطر شكرا ليكى يا عمرى انا سعيده بتلطكم كلكم معايا
حبيبتى شيرى انا والله متفائله جدا والحمد لله عندى دائما رضى بما كتبه الله لى بس مسئله ايام الطفوله دى بتشكل بالنسبه لى نقطه ضعف شوى علشان انا بحس انها غيرت فى كليا وخلت اعصابى ضعيفه وكثره البكاء المهم مش عايزه اشيلكم الهم بالنسبه للبحر يا ستى انا ايام المدرسه مكنتش بعدى من على البحر لانى كنت ساكنه فى وسط البلد والمدرسه قرب البيت بس ايام الجامعه كنت لازم اروح البحر كل يوم وخصوصا لما يبقى فى مطر كنت اجرى اروح البحر علشان اتفرج على المطر وعلى فكره انا كنت شقيه برضه جدا لحد ما خلصت الدراسه خالص
وكنت طالبه فاشله مش بحضر محاضرات خالص مع ان دراستى كانت عملى وكان لازم احضر المعامل بس كنت كل يوم اخترع فيلم جديد للدكتور لحد مخليه يبكى من الزعل وصحابى يموتوا ضحك ومع ذلك كنت بنجح بتفوق لانى الحمد لله ذكيه فى دراستى بس انا كان نفسى ادخل كليه الهندسه جدا وطول عمرى من وانا فى ابتدائى كانوا بيقولوا لى يا بشمهندسه وكنت بصلح لهم فى البيت كل حاجه تخرب حتى توصيلات الكهرباء وانا فى ثانويه عامه باب رفض تماما انى ادخل علمى رياضه واصر انى ما ادخل كليه الهندسه وكان مش عايزنى اكمل تعليمى خالص وكان عايزنى اتجوز وده كان سبب خلاف دائم بين ماما وبابا طول دراسه الثانوى بس طبعا اللى هو عايزه كان وده كمان كان سبب الانفصال بين ماما وبابا وحاجات تانى كتير طبعا وده اللى مخلينى ما بحب فتره الدراسه وكمان علشان ماما لما انفصلت عن بابا كان نفسها احقق املى وادخل هندسه بس كمان ما قدرت احقق لها ده لانى كنت كرهت كل الدراسه خالص
يا جماعه انا اسفه اوى مش عارفه انا كنت ناويه مكتبش حاجه بس حسيت انى محتاجه افضفض شوى
للمغتربات في الرياض
متابعة النقاش، صفحة 62