راحت شغالتي............كيف انظم وقتي بشغل البيت؟؟؟تعبت كرف بلا فايده بس كرف وشغل ولا

انا كمان شغالتي بتخرج الله يعين

الله يعينك والله نفس مشكلتي بس انا ماجبت شغاله بالاصل ومن تزجت وانا حايسه يبهالبيت

الله يعين بس

هونيها وتهون ولاتكبرينها بعينك ولاتهملين تصليح الغداء ابد
انتي طلعي لحم او دجاج زي ماقالو البنات
يوم تصحين 11

وتفطرين مع اني افضل انك تتعودي تفطري مع عيالك
من الساعه 11 الى 12
تصلين الضحى تشربين شئ
تنظفين الغرفه وحمام وتروحين تجهزين الغداء وبيجهز في ساعه
اما كبسه وهي المفضله وحرام عيالك مساكين غديهم كبسه ولبن بيتغذون زين
حتى لو ما كثرو بس شئ مفيد
او اطبخي صينية دجاج او لحم مع سلطه او حمص وكله بالمنتدى موجود

اذا انتهيتي من غسيل المواعين سوى الى تبينه تنامين تنظفين بيتك تفرجين

على التلفزيون على كيف كيفك مافيه اي ضغط وراح تحسين براحة ضمير

الله يكون بعونك
اول شئ تسوينه انك ترتبين البيت اذا اغراض مرميه شيليها بتحسين البيت مرتب (عن تجربه من كلام مزايا انسانه الله يحفظها من كل شر

ثاني شئ الصباح بعد مايروح العيال المدارس تسوين كل شغلك حاولي انك تنامين لك بس ما ادري مع العيال كيف

الغسيل تسوين لك يوم غسيل وثاني يوم كوي لا تخلين الثياب تتراكم عليش عند نشر الغسيل حاولي تنفضين القطعه بتساعدك

عند الكوي بجامات النوم لا تكوينها ثياب زوجك غسليهن في البيت ويكويهن عند الكواي بترتاحين كثيييييييييير

واخر شئ الترتيب ثم الترتيب ثم الترتيب حتى اذا ما قدرتي تنظفين اهم شئ ترتبين البيت

ان شاء الله اكون افدتك

انا نفس حالتك راحت شغالتي وحااايسه
بس الحمد للهم احس حوستي اخف من حوووستك

اهم شي الغدا جهزي كل شي من الليل اذا كنتي تسهرين زي حالتي
واذا تقدرين تطبخين الدجاج او اللحم من الليل يكون احسن
يصير الظهر ماعندك الا ترمين الرز وتقطعين السلطه
واللحين الجوا بارد ما يخرب الاكل بسرعه زي الصيف
وبالنسبه للمواعين غسلي كل شي بوقته هذا الحل الوحيد للمواعين
وباقي البيت قسمي الشغل بين عيالك الكبار
خلي غرفتهم على واحد والصاله وبدليها كل يوم
واللي مسؤول عن غرفه يشيل اي شي يطيح فيها طول اليوم
يصير انتي عليكي بس تكنسينها وهم راح يتعودون ع النظام وانهم مايرمون شي
بالارض لان هم راح يشيلونه
وبالنسبه للكوي خلي زوجك يكوي ثيابه برى
وملابس عيالك حقت الطلعات اكويها وحقت البيت مشي حالك على قدرتك
والنت لاتجلسين عليه الا وانتي مخللللصه كل شغلك عشان ما يشغلك عن بيتك
لانه بصراحه يشغغغغغغغغل مرررررره وتنسين نفسك لاجلستي عليه