
أنا أول مره أدخل عالموضوع وبصراحه موضوع جدا"رائع ومفيد وحسيت إني راح ألاقي حل لمشكلتي:44:
أنا يا أخوات صار لي سنه متزوجه خلال هالسنه ما أحس إني وفرت ولا ريال واحد حتى أجار البيت ناخذ
من الراتب كل شهر ونجمعه وإذا إحتجنا شي صرفناه ولمل يجي وقت الراتب نتوهق وأضطر أبيع من الذهب
وندفع الأجار وكم سفره نسافرها ونصرف شي وشويات طبعا" أنا مو موظفه وزوجي راتبه6000تقريبا"
وعنده3قروض وفوق كل هذا عايشين حياة بذخ فواتير الجوال1000تقريبا وفاتورة الثابت والنت والكهربا والمويه
وأغراض البيت أطلع بنده وحسابي مايقل عن700وفوق كل هذا سحبنا قرض من الراجحي قسطه الشهري2100
وسويت فيه مشروع لسه مافتح كنت أفكر راح يصير عندنا دخل إضافي بس طبعا" المشروع ماراح يدخل من البدايه
لازم صبر من جد أحس حياتنا حوسه وباقي سنه تقريبا"وقرضنا العقاري يطلع ونبني بيت وشلون نبني وحياتنا كذا؟!!!:icon36:
أنا فكرت بحلول بس لسه متردده::confused-
فكرت نطلع من الأجار ونسكن مع أهله طبعا"البيت مافيه غير أمه وإبوه وكل شهر ناخذ جزء من الراتب
ونجمعه ونهاية السنه نسدد واحد من القروض صحيح راح أفقد حريتي وأطلع من بيت أنا فيه الملكه
بس لازم أتحمل دامنا لسه بالبدايه وماعندنا أطفال لازم نضحي عشان نقدر نحقق أحلامنا ونكون مستقبل
ناجح.
والشي الثاني لازم ننسى موضوع السفر لحدد مانسدد3قروض ومايقى عندنا غير قرض الراجحي ونسدده من دخل
المشروع.
والشي الثالث أستغني عن المودم وأستخدم كونكت والجوال العام أستخدم بداله شحن وبكذا أرتاح من الفواتير.
والشي الرابع أغراض البيت ما آخذ غير الأساسيات لأننا شخصين بس مانحتاج كثير.
أنا كتبت لكم مشكلتي بالتفصيل والحلول اللي عندي أتمنى تقولولي رأيكم بصراحه وتعطوني أفكار وحلول تساعدنا
نجتاز هالأزمه بنجاح:sad:
ولكم منني جزيل الشكر على هالموضوع القيم وشكر خاص لكاتبة الموضوع الله يوفقها,,,,:icon35: