ماتت ام بدر
هذي يابنات جارتي وحبيبة وطيبة لابعد الحدود الكل يقول يابختها بطيبة قلبها وحسسسسسسسسسسن نيتها اللي مالها حدود ماتعرف الكذب ولاالحسد ولا السب ولا الشتم ولا تشيل بقلبها على اي انسان وتحسين انك صغيرة قدامها من طيب اخلاقها دايم ازورها وكل مارجعت من عندها الا انا صغيرة بعين نفسي واحس اني تافهة وسطحية لان من رحت لها لما جيت سولفت بكل شي بس ماجابت طاري اي انسان بالشينة وكل وقتها مبتسمة وبشوشة وانا ماغير افكر بهالدنيا وش البس وش بطبخ وش ابشتري ومنين ببدى فكرت بحالتها برمضان اللي فات ماكان عندها شغالة وشلون تخلص فطورها ومواعينها وتلقينها باول صف بالصلاة وهي فيها امراض الدنيا وقلبها فية جهاز واضح شكلة ينظم دقات القلب والتنفس صعب عندها والسكر متعبها
اة واة واة بام بدر
ياليتا نص طيبتك او نص حسن نيتك بالناس
يوم الجمعة بالمغرب ماكان فيها شي وراحت للمستشفى لانها حاسة بالم بقلبها وراحت تطمن على نفسها وللاسف مارجعت اغمى عليها وادخلت العناية المركزة وتوفت البارح الساعة تسع بالليل
اه يابنات انســــــــــــــانة طيبة لابعد الحدود ودايم لحالها اقولها ليش ماتجتمعين مع الجيران دايم تقول استحي واخجل اذا بلحالك مع وحدة او ثنتين ممكن بس وا لله يابنات اروح بيتي وانا راسي مصدع من كثر الهذرة والسوالف وهي بس تسمع وتبتسم اة يام بدر مهما بكينا بدل الدموع دم ماراح نوفيك حقك يااغلى جارة
تعب قلبي من البكى بس ابيكم تدعون لها ان ا لله يثبتها عند السؤال ويونس وحشتة الليلة ويوسع قبرها ويجعلة روضة من رياض الجنة ويغفر لها ويرحمها وينورة ويجعل من فوقها نورا ومن تحتها ومن يمينها وشمالها نورا ويجعلها في الجنات العليين ويجعل قبرها بردا وسلاما ويثبت قلب زوجها اللي مايتخير عنها وبنتها واولادها وحريم عيالها لانها فعلا فقيدة لاهلها وجيرانها ولكل من يعرفها
واه يام بدر سنبكيك اعواما ودهورا ولن ننساكي من الدعاء ابدا
الموضوع مغلق