بي من الوَجـع ما اللهُ بهِ عليّم ,!
فيني ضيقة وجيت أكتب هنا :(
يمكن ارتاح شوي وأقدر أنـــــام ..
ايــــــــــــــــــه يالنوم :(
تعبت أنوم عشان أتهرب من الواقع .. تعبت أخبي راسي تحت المخدة وأبكي وأبكي لين تخلص دموعي
ويأذن الفجر وأجلس أدعي من قلب قلبي /
يارب يسر لي الحمل ولاتعسر .. يارب يسر لي الحمل ولاتعسر .. يارب يسر لي الحمل ولاتعسر .!
يارب لاتحرمني الذريه يارب إرزقني الحمل الثابت السليم المعافا التام الخلق والخلقة من غير زيادة ولانقصان .!
ربي لاتذرني فرداً وأنت خير الوارثين .. يارب فرجها علي .. يارب قوني ولاتبين ضعفي قدام زوجي والناس
يارب أرزقني طفل يبدد وحشة البيت وسكونه ويملاهـ فرح وسعادة ..
بعدها أغسل وجهي وأتوضأ وأصلي وفي كل سجدة أدعي وبنهاية صلاتي وبأوقات الاجابه ..
قبل أسبوعين بالضبط كنت مرررررهـ شايله هم الاجازة بسبب الزيارات والعيد والمناسبات
كنت خايفه من الحكي أو بالاصح ماعاد يأثر فيني الحكي :/
بس أخاف زوجي يتأثر بالحكي - أخاف يجي يوم وأفقد زوجي - أخاف يجي يوم ويشاركني أحد فيه :(
وجت الإجازة وبدت المناسبات بس هالمره غيـــــــر صار اللي كنت أخافه .. زوجي أحس انه صار مستعجل على الحمل ..؟!
صحيح انه مايبين بس أنا حسيت يوم قالوا له ( خلاص أنت بتصير أبو عيال وللحين مابطلت حركات الاستهبال )
شفت وجهه كيف تغير وعيونه لمعت وبعدها ضحك وقال (الله يكتب اللي فيه الخير)
كان جسمه معنا بالجلسه بس عقله لا ...!
ياربي وقتها ضاااااااااااااااااق كل شي بعيني وصرت أدعي بنفسي يارب مايجي العيد الجاي
إلا وزوجي شايل ولدهـ بحضنه ياااااااااااارب ..
خلصت الاجازة وجت الدوامات ..
طالعت التاريخ صار المفروض الدوره تكون جايتني من 4 أيام ..!
يعني بتاريخ 14/12 /1430هـ
وماتصدقون كيف فرحت وقلت بنفسي بصبر لين نهاية الاسبوع وبعدها أحلل ..
ويوم ورا يوم تزيد فرحتي ويزيد دعائي حتى بأوقات المطر كنت أدعي يارب فرحني بالحمل يارب فرحني ياكريم ..
وجا يوم الثلاثاء اللي صارلي 8 أيام والدوره ماشرفت وكنت فرحااااانه حيل نه مابقى على الاربعاء الا ساعات
يعني مابقى غير ساعات وأفرح الدنيا بخبر حملي ..
ونمت وأنا أتخيل شكلي ..
وجاء الإربعاء على خير وأذن المغرب وصلحت القهوة عشان عندي خبر جميل وخطير :26:
ودخلت أتروش لزوم الكشخه يعني :p
ومادريت الا العمة مشرررررررررررررفة وتحطم كل شي قدام عيني بنيته وتخيلته ..
اهـ يالقهر 9 أيــــــام وأنا أعيش الوهم ..!
9 أيـــــــــام وانا متفائلة ومستانسه ..
9 أيــــــــــام كنت أعد فيهاالساعات والدقايق ونهايتها أتحطم :(
( اللهم أجرني في مصيبتي وأخلفني خيرا منها .. اللهم أجرني في مصيبتي وأخلفني خيرا منها )
:
/
بالنهاية ما أقول إلا ,,
الله يعوض صبرنا خيـــر ويرزقنا بالذرية الصالحه يااااااااااااارب ..
*
عندما ننكسر , الشيء الوحيد الذي يجعلنا نجبر الكسور هو الكتابة ..
الكتابة وحدها تمنحنا هذه الفرصة ..بدون أن نطلب من أي شخص ورقة الضمان الاجتماعي لتبرير طبيعة المرض والدواء ..
نكتب لأننا في حاجة للنسيان أو لمزيد من الألم موجهين نداء استغاثة ..
ولا يهم إذا سمعنا أم لم نُسمع !