الولاده بمستشفى الوفاء والا الحبيب

مرحبا اختي انا مجربة الحبيب والقصيم الولاده طبعا موانا والدة لكن خواتي ولدن فيهم بشهر اربعه اللي طاف ولدت اختي بالقصيم الوطني وانا كنت مرافقة معاها طبعا مافية ذاك اليوم الا هي ولدتة باكستانية ماتدري وش السالفة وماتفهم عربي اتدربي دميجتة على قولتهم ولاعطوها بنج تقول انتي وصلة مايحتاج بنج وتبعرصت لمى ولدت الحمد لله وعنايتهم مهب هاك الزود حتى المناديل بالحمام تكرمون مافية مادري وشولة دافعين دراهم حتى ماعطونا قهوه وعصير زي ماسمعنا اللي ولدتها فرزانة واختي الثانية ولدت بشهر ستة بالحبيب وما ادراك مالحبيب وانا رافقت معة جت لمهم منفتح واحد صانتي وعطوها طلق صناعي وابرة ظهر طبعا ماحست بشي ولمى انفتح تسعة شالو عنها الابرة وهي بكرية ماتدري وش السالفه جاهاكرب **** لايوريك تعبت حيل وقالت ابغابنج قالو مايصلح لازم تزحرين واخيرا اولدت وخياطتها مو زينة اللي ولدتها اسمة ضحى والولادة بخمسة الاف وثمان مية غرفة خاصة لكن مادرينا ان الابرة والعلاج بفلوس تكلفنا حول ثمان الاف **** لايوريك ومت انا من الجوع عندهم طلبت اكل مالقون وجة طبعا انا مرافقة قلت ادفع بس لاموت من الجوع وسهجون قالو مافية اكل وطلبت من برا وعيو يدخلونة لحد ما خبينا الاكل بسرير طفل جابوه اخوي كنة زاير حتى نمت على عبايتي بالرخام عيو يعطوننا شرشف وبشهر سبعة ولدت اختي الثالثة بالولادة ياحبيلك يالولادة سرير خاص لي واكل خاص وولادة ميسرة ودلال ماشفتة بالمستشفيات الخاصة بلاخاص بلا هم مع اني كنت اوايد المستشفيات الخاصة لكن عقب هالتجربة خللللللللللللللللللللللاص ا لولادة من **** مو من المستشفى اخيرا حابة اقول لك انهم يمدحون الوفا لكن ماجربناة ااااااااخاف اجوع خلينا على الولادة اسفة لاطالة الكلام لكن هذا رايي تراي ي**** اكتب توي متعلمة يعني المفروض انك تعطينن جائزة نوبل على هالكتب سسسسسسسسسسسسلام

مستحيل الحبيب يسوون كذا يادردبيس<<والله من زين الاسم>

الحبيب كنك بفندق وانا مجربتهم

الوفا كثييييير يمدحونه وجربوه

من ضمنهم اختي بس ولادتها قيصرية ولدتها الدكتورة علا وماشاء الله خياطتها مره ممتازة اقصد للقيصري

بالنسبة للدكتورة اللي تولدك مالك حرية الاختيار انتي وحظك حسب الدكتورة المناوبة

الحبيب ما اعرف احد جربه بس يمدحون دكتورة سودانية فيه يقولون خياطتها مرره روووعة لكن صراحة ما اعرف اسمها ..

لكن لو انك بكر

خلك بالحكومي افضل لك

ماتدرين ايش يواجهك ..

والله يهون عليك ..

للرفع